عريس يا ماااااي

ماما : بقولك ايه مش جارتنا شريفه جايبالك عريس بس ايه لقطة :s
انا : ليه جايبه فى الاوكازيون بتاع H&M
المهم قامت الخناقه
والحرب اشتعلت واسمعت الطف كلمات من امي بدافع خوفها وقلقها علياااا
انتى هتعنسي انتى فاكره نفسك صغيره انى عديتى ال 25 وخلاص كلها .... وتبقى 30 :P
"طبعا الى عشمان يعرف سنى بعينه انا مقعش بالطريقه دى اوعوا تكونوا فاكرني عبيطه وهقولكم انى عندى 27 سنه"
وكملت ماما قصديتها الشعريه الرائعه :بكره تبقى لو حدك واخواتك كلهم فى بيتهم وخلى دماغك دى توديكى فى داهيه و.....و.....و......
,..........


وضغطها علىّ و بابا دخل على الصوت العالى عرف الى حصل كمل القصيده وعشان احنا فى مجتمع لذوذ وحبوب بالنسبه ليه البنت اما ترفض عريس عشان مش عاجبها يبقى اه اوبا فى حد فى حياتك ..
ومهما حلفتلهم او اثبتلهم ده مالوش علاقه بأنك لازم تقابلى العريس ...
وعشان يبقى الكلام على مية بيضه انا الى هما حكوهلى عنه فهمتهم ان ده مش مناسب ليا وليه اقابله وطبعا هيعجب بيا وبطعامتشي :) يعنى يا خدها من قصيرها ,عشت ايام من بتاعت رفضك للعريس من غير متؤعودي معاه باطل باطل باطل.

حددوا المعاد المنتظر
وسمعت من مامتى توصيات غربيه .
اسمعى يا حبيتى اولا :اوعى تلبسى اسود لازم تبقى لابسه فرايحى .
ثانيا بقى تفردى وشك ده.وتضحكى فانا بغباء شديد رديت مبتسمش كفايه مسكت رجلها وافتكرت بتوجعها اتاريها بنت الايه كانت بتهددنى بانها هتحدفنى ب.... زى ايام الطفوله الرائعه .
فاأنا حفاظا على كرامتى ابتديت اضحك من وقتها.



وجه العريس
متأخر 45 دقيقه
وانا ابصلها شذرا تقلى انتى مش شايفه الجو والبلد عامله ازاى اقول امين ...
ووصل سمو العريس ...
وقعد وبعديها بشويه دقايق دخلت وسلمت وقعدت ...
وكانت اغرب ساعتين فى حياتى ....
اكتشفت فيها مجموعه اكتشافات فيها غريبه ...
اولا مثلا : انى دورى الحقيقى فى الحياه وكيل نيابه
ثانيا مثلا :انى اكيد انجح عروسه تطفش عريس من غير شكل سعاد حسنى .
ثالثا: انى بأي شكل من الاشكال مينفعش اتزحزح عن افكار الى انا مؤمنه انها احسن حاجه ليا انا وانا فقط مش للناس جميعا .
واعتراضاتى عليه للمفارقات الثقافيه الى مابينا وده غير اختلاف مستوانا الاجتماعى ...
................................................
الموضوع مختلف ...
الحكايه مش سهله الجواز مشروع العمر كله .
الجواز مخاطره النجاح فيها راحه البال.
الجواز رزق من يوم خلق البشر كل واحد ليه شريك مكتوبله والى متكتبولش شريك ربنا بيعوضه
السن ليه علاقه بالجواز ده كلام فاضى تماما ...بيتجوزا صغيرين وبشفوا مشقات توصلهم للطلاق وبيجوزوا من غير حساب سن وبيوصلوا لقمة السعاده ...
الرزق بتاع الجواز ده اعظم ارزاق الحياة مهما الواحد علي سعى له هيصيبه وقت نصيبه فالحكايه مش دايره كدا من غير حساب ده حسبها ومرتبها رب العباد ورب العباد حساباته لا مشروطه بسن ولا زمن مشروطه بمعاد خيره لعبادة....
وكل انسان عارف الشريك الى يتوافق معاه وبيقول يتوافق مش يناسب عامل ازاى واول ميحصل التوافق مش هتحتاج مجهود وهيكون المكتوب ....
وسامحنى يا امي انا اصلى مش مؤمنه بمبدأ
عريسسسسس ياااااا مااااااااي
طخة بس متعوروش يابوي
.....................

ده يدوووب عنيه زايغه...

لاء لاء لاء لاءءءءءءءءءءءءءءءءءءءء..
مش معقول هوه فى راجل عنية مش زايغة
ده حتى لو كفيف هتبقى غالبا نيته زايغة :)
...................................
اما صحيح ناقصات عقل ودين
طب وفيها ايه لو دلعتية ورايحتيه وشفتى بيحبى ايه وعملتى ....
*قالك ان شاف واحده راكبه معاه الانساسير شعراها جامد .
- جرى على اقرب استرجى واضربي شعرك كاروه او مقلم فوشيا فى موف :)
*كان عنده النهارده فى المكتب عميله صوتها رقيق ومش عالى كدا
- اقرب مقص قصى احبالك الصوتيه وصوتك واقطعى لسانك
وعلى الله يطلعلك صوت سكتم بكتم .
*قالك ياماما على صوتك انتى بتوشوشى نفسك او ندهتيله قالك ايه بتقولى ايه وخصوصا اما تطلبى فلوس
-ميكرفون من مدرسه الخديويه بنين وهاتك غنى فى ودن جنابك
* حسيتى مره انه شاف واحده مكلبظه وقال عليهااااااا اوباااااااااا صاروخ .
-.ولا يهزك تيفا العجلاتى وانفخى واستنصحى وركزى على الاماكن الى بتلفت انتباهه
*بيحب الرفيعة وانتى بقيتى تخينه عن الاستيل الى بيحبه
- هاتك ياجزر وخس انا تأرنبى وتحوللى لأحد القوارض.
* فى الرايحة والجايه يقلب فى قنوات التلفززيون ويدعى على الى كان السبب وكل ميشوف هيفاء يقول جتنا نيلا فى حظنا الهباب هنيالك يابو هشيمه .
- بسيطه خالص اقلعى كل مايمكن ومالا يمكن واجرى على رجستير كسر واعمليك كليب وهوه هيشوفك نجمه النجوم.
*بيقولك انه قابل مدام سوسو على باب العمارة وعجبه اوى ماكياجها
- عارفه قوس قزح ده من هنا ورايح لو وشك ده حتى الالوان بتدخل البهجة فى الحياه.
* زعقلك عشان رحتيك طبيخ.
- عنه مكل هوه ولا عياله المهم انتى ريحتك متبقاش طبيخ.
*سمعتى كلمه من اياهم دول بتوع تامر زميلى فى الشغل مراته مدلعاه "رغم ان تامر بيضرب بابوا ورده"
- كل متوعدى معاه فى حته ادام الناس حطية على رجلك ولو لزم الامر هتيله ببرونه وياتوتى توتى يالولى لولى

المهم الزبون يبقى مرتاح مهوه دايما على حق حتى لو حكمت انك تقطعى رجلك عشان هوه بيحب العرج ميضرش هوه انتى بتعملى لحد غريب الطاووس الى عمرك مشفتيه عرقان ولا دقنه طويله ولا ملخبط ولا منكوش ولا تخن وبقى بكرش وبقى شبه البطيخة الى بيدخلك بيها يوم الجمعه بعد الصلى يا جاحده ده الراجل من يومه احمد عز فى وسامته وجورج كلونى فى اناقته وابتسامته الساحره,ورشدى اباظه فى جاذبيته وكارزمته وكاظم الساهر فى احساسه ده حتى مهند فى مسلسل نور اخ منكن يا بنات حوا مبيتمرش فيكن حاجه ابدا هيعملك ايه سمو الطاووس
كل ده الشكوى دى عشان غاية ماهناك انه عنيه زايغة
قطيعه يقطع ظلمكن للطواويس الغلابه :P:P:P:P

مذكرات طفله نوتي:ليلة القبض عليا

علي على بطل فليد
هيا طر يا جرندايزر
.....................
عارفين يعنى ايه جرندايزر يعنى دايسكى
هكارووووووووو
ودلا فيجا
ودوق فليد ددددددد
......
"اما كبرت اتحولت لى سندوتشات "
كنت مدمنه وكان حلم حياتى انى اتجوز دايسكى ابو شعر بنى وعيون بنى ودايما يتعور ويتألم عشان خاطر الكوكب فطبعا كانوا معظم صحابى ومش كل شويه هقول ولاد البوبين عشان ميبقاش فى تفرقه عنصريه بقى :s
كان معظمهم معندهمش تلفزيونات لان ايامها كان التلفزيون لسه محتفظ بقيمته ومش متوفر بسهولته مش دلوقت
الموبيل قرب يتوزع مع فواتير الغاز
الخلاصه بقى
كنت اعود احكيلهم عن المغامرات دي
ونبتدى نمثل المغامرات دي وعشان انا الى بحكى يبقى اكيد كانت بفشر كام فشره وعشان واحنا بنلعب جراندايزر
وانا متقمصة
شخصية دوق فليد ابقى بحقق كل ميولى الاجرامية
وياريتى معملت كدا لان اول يوم قلت فيهاااااااااا دوق فليد ونطيت من على السلم نزلت على دماغى
وصحابى اللطاف حوليا
فجأة دخت وحسيت بحاجه سخنه نازله من دماغى ولونها احمر واحد من صحابى الى كان عامل دور وحش الفضاء اتخض وعرف انى اتعورت فقالى انه هينده امه فقلته اوعى مامتك تعرف امى وهتقلها
قال يعنى مامتى مش هتشوفنى وانا غرقانه فى دمي
ولان الجرح كان محتاج خياطه مش فاهمه ازاى وانا ناطه بوشى ايه الى يخلى جبنى يتعور
المفروض سنانى منخيري ابتديت اتوجع من برده فى الاصل كنت طفله وطبعى اتوجع العيال فزعت من المنظر وجت ام واحد فيهم "مرات بواب " شافت المنظر ده راحت شيلانى وواخدانى على اودتها وكبسالى راسى ببن عشان يوقف النزيف ولانى كنت ابديت ادوخ ابتدت تطلع بيا السلم على شقتنا
استغلت ضعفي بنت الايه عشان جريحه ومش عارفه افرفس
بس على مين ماما طبعا اول مشافت المنظر مبقتش عارفه تعمل ايه سئلتها قالتلها انها مشافتنيش هى سمعت صوتى بعيط جت شافت المنظر ده فكبستهالى وجبتنى ليه ماما خدتنى وطلعت تجرى على اقرب مستشفى خيططلى راسى واول مجمعت قالتلى ايه الى حصل وكنت بتلعبى ازاى طبعا لو عرفت انى كنت بلعب مع الاطفال دى مش بعيد تعمل جرح فى بقيت راسى فقعدت اعيط وقلتلها الواد ابن الست الى حطتلى الشاى على راسى هوه الى خبطنى بالعصاية الكبيره بتاعت المقشه
ماما مستوعبتش جابتهم عندنا فى الشقه تسئلهم طبعا الله يسامحها الوليه مرات البواب وام اتنين
من صحابى حلفتلها انى كل يوم بزوغ من المحل واقعد العب مع عيالها ومع بقيت العيال
ومش هقولكم رغم انى استخبيت تحت السرير الا ان شماعه ماما وصلتلى وكلت علقه كانت مووت
لسبين تافهين :
1\لعبى مع ولاد البوابين
2\قال ايه كدبت اما سئلتنى ازاى اتعورت
امهات غريبه ,اكتر حاجه غظتنى بنت جيرانا الى فى الشقه الى قدامنا كانت بنت سيس وخنيقه كدا وفوق كل ده فتانه اوى اما دخلوا يطمنوا عليا طبعا مش من العلقه من التعويره
:)
قالت لى مامتى عارفه يا طنط انا مش بقيت احب العب مع اثماء"اصلها كانت لدغه ماعلينا"
اصلها بتلعب مع ولاد البوابين الى شكلهم وحش وبيلعبوا لعب غريبه ومش بيغسلوا اديهم
اكدت عليا الكلام بنت الايه

اتحرمت بعديها من نزول المحل والنزول
اصلا غير لمرواح
النادى مع ماما والبنت اللدغه دى ومامتها
كانت فتره عصيبه اوى
بس عدت وبقيت بعديها محترفه
...............................
المره الجايه هقولكم على الحرفنه .

مذكرات طفله نوتي

نصحني صديق لطيف جدا اكتب شوية حاجات عن طفولتى لانه توسم فيها كل خير طبعا
وتوقع انى كنت طفله رقيقه ومميزه ومن الى بيطلعوا الاوائل دي وحبيبة ماما وروح بابا وجدو يحبها وخالو وعموا وكل العيله ....
مبعدناش عن الموضوع كتير
كنت حبيبة كل الناس دي وخصوصا بابا !!
بـــــــــــابــــــــــــا
بابا كان نفسه يجيلة ولد اول خلفته فربنا ماأردش وجيت انا ولانه مصرى وصاحب احد العادات القبليه اللطيفه ابتدى يعاملنى على انى ابنه ويقلى ياواد انت يا جميل وانت ابنى
والله الراجل ده كان بيلخبطنى حتى بعد مربنا كرمه بخواتى الولاد كان دايما يقلى انت ابنى البكري .
بس الصراحه مش هوه الى كان ورى انى كنت نوتى ونوتى يعنى كنت بجد نوتى وكنت بضرب ضرب ولا بيحوق واتحرم من المصروف وكل حاجه واخد الى انا عايزاه واعمل برده الى انا عايزه معرفش هما كانوا مدلعنى ولا كانوا زهقوا من عميلى السودا .
كانت اكتر ملامحى المميزه فكرى الاشتراكى وميولى اليساريه
يعنى كنت ساكنه فى مصر الجديده وفى مكان راقى ومفيهوش ولاد بتلعب فى شارع كلهم ولاد وبنات بتوع نوادى وهويات غريبه تنس وباسكت
..........
كنت اروح الاماكن دى ازن ازن ازن
واطلب انى اروح
مكنتش بلاقى نفسى لان كنت بلعب فى الشارع
ايوه بلعب فى الشارع مع ولاد البوابين
هتقوللى ايه الفشر ده وحد يسيب بنت صغيره لسه مدخلتش المدرسه تلعب فى الشارع اقولكم لاء
الجيش قلك اتصرف
حبى للعب فى الشارع ابتدى ان كان عندنا بوتيك فى العماره الى قدمنا
وكنت بنزل بحكم انى ابوبا مسافر ومامتى موظفه وفى واحده بتاخد بالها من المحل وطبعا عشان انا الولد البكري فكنت اقولهم انا هنزل اقف فى المحل
ولان ده عشان امى ترتاح من مناكفتى فيها وفى اخواتى الى كانوا لسه وقتها كلهم مبين رضع لى بيسحف
اصل ماما وبابا ربنا يديهم الصحة كانوا مستعجليل شويتين على الخلفه
ماعلينا برده الولاد عزوه وزحمه وصداع وفماما كانت تسيبنى انزل المحل وتوصى البنت تاخد بالها منى وتقلى ساعه وهترجعى البيت وتطلعى
كنت بشوف الولاد ولاد البوابين يلعبوا ادام البيوت كدا فى هدوء واقول هما ليه بيقولى متلعبيش معاهم دول اكيد فيهم حاجه وحشه و قعدت فتره ارقبهم اكتشفت انهم لطاف جدا واطفال لطاف جدا ولعبهم مسلى من اولى لى استغمايه للى بلي
!!!!!!!!!!!!!!!
ابتدى فكرى الاشتراكى وابتديت ابوص لولاد الجيران على انهم فرافير وسيس واى كلام عشان بياخدوا العجله ويروحوا النادى مع مامى وبابى واقف اطلعلهم لسانى وانا منغمسه فى اللعب مع صحابى ولاد البوبين
ماما كانت متوقعه انى بلعب فى مدخل العماره او ادام المحل مع حد من ولاد الجيران
اما اكتشفت انى بلعب ولاد البوابين
كانت علقه والشمعه والشطه من يومى عشقتها
بس كان سبق السيف العذل لانها اكتشفت طبعا وانا عامله مصيبه
ولانى كنت خلاص اصبحت بنت الثوره ومينفعش اتراجع عن ادمانى للبلي والكوره والاولى
.........................................
عشان كدا المره الجايه هقولكم المصايب الى ابتديت اعملها انا قلت بس اقولكم بدايتى مع كونى طفله نوتى كان ازاى .

اشرب بقى يا حلووووووو

مفردات :
اكيد احنا صحاب جامدين اوى
دى صاحبت عمري
ده صاحبى من زمااان
كلنا صحاب
..................
كلمات بنسمعها كتير اوى عادة بتكون واحده منهم مفاتيح لى علاقات بنلتمسها بشكل او بأخر
وانا صغيوره اوى كان كل صحابى فى عالم الولاد لانى كنت بحب العابهم ولانهم مش زى البنات مهتمين باتوك والضفاير والالوان وسالى وليدى
..............
كنت بنت مش طبيعيه كل طموحى ماتش كوره مميز او استغمايه واحيانا كنا بنلعب كهربا
ومش هقولكم بقى عن لعبة حرب العصابات
الى كنت بطلع بدور الاميره المخطوفه الى بتحرر نفسها وتبقى زعيمة العصابه
والله ولا مملكة الخواتم
المهم كبرت شويه منعونى من اللعب مع الولاد انتى كبرتى بقيتى انسه وانا كمان ابتديت اتشغل بالتوك والالوان والفساتين والحركات
وكانلى شوية صحبات فى المدرسه بس كنت دايما مش منسجمه معاهم لانى مكنش ببقى زيهم

هما مركزين مع بعض اوى وغيره ومناورات وانا دايما مدب وبدلق اما تحصل مشاكل ومقالب
دايما مختلفه رغم ان صحباتى كلهم من ايام اعدادى الى يومنا هذا يحبونى ويحبوا عشرتى ونصيحتى
اصلى من النوع المألوف العشري
لو سمحتوا انتبهوا مألوف مش حاجه تانيه
كبرت اتخرجت وجت مرحله


فلتره صحاب الواحد والفرق مبين صحاب بحكم المكان والعشره والالزميات الاجتماعيه والصدقات الحقيقية
ووقتها ابتديت اختار البعد عن ناس كتير من غير اى حسبانية
يعنى الى مش مناسب مينفعش

والى ينفع بحدود
بس كان دايما عندى استفسار .....

يبقى صديق او صديقه مناسب ازاى ؟؟؟
ده السؤال الى الاجابه عليه كانت صعبة .......

بعد حورات ومشاكل وحرقت دم وصداع ومهاترات
اكتشفت حاجه مهمه اوى ان الصاحب او الصاحبه الحقيقيه الى يكون الانسان مطمن معاه يعنى واثق انه لو اخطاء فى حقه عمره مهيخونه ولا يجرحه ولا يهينوه واكيد ولا يأذية
الصاحب الى يحترم خصوصية صاحبه ويصونه ويقف جمبه فى قوته قبل ضعفه
الى ينصره ظالم اومظلوما ا
الصديق الى يرفع بشأن صديقه
ده على كل الناس بنات وولاد رجاله وستات
بس عالم الصدقات فى حياة الستات كالعاده مليان تفاصيل ومدخلات
غيــــــــــــــــــــــــره
كل البنات بتغير
بس غيره عن غيره بتختلف
غيره بنائه ودى غبطه ودى لطيفه اوى
وغيره مدمره كوارثها كلها نفسيه على الطرفين
الى تغير منها والى الغيرانه نفسها
بحر لو اتكلمنا عليه مش هعرف اروح شغلى
المهم بقى
ختاما انا شكلى هعود اتعلم فى عالم الصدقات ده طول منا عايشه


يعنى انا اما بصاحب حد ولد ولا بنت بلزم نفسى بقاعده محرمات بتكون احترامات لى مشاعره او مشاعرها وسعى منى للحفاظ على صدقتى بالناس دى ةعشان بحط نفسى لو مستخدمش لستة المحرمات والمحظورات دى وانا مكانهم ممكن ادايق ازاى ,وبما انى اتعودت على المفجأت من عالم البشر
وعلى عالم الحركات

.........................
فالصحاب بقوا بتوع وقتهم ومصالحهم والبشر موجهين يامصالح بتجمعهم بغيرهم يا تسالى واوقات الفراغ
والصدقات بقيت ندره نسبيه بنقراها فى شويه ربعيات
او بنلاقيها اما تحصل فى مجتماعتنا مجموعه طفرات
.............................................................
الغريب بقى انى لسه بتجرح اما الصحاب ميقدروناش ولا نستهلك انسانياتنا للوصول لشويه ماديات

بس عادى اكيد الجرح بيعلم ولو ان جرح الصحاب اقسى من اى جرح لانه يبقى مهين لذكائك الشخصي بينك وبين نفسك مش ده الى راهنت نفسك انه صاحبك ولا صحبتك
اشرب بقى يا حلو يمكن بكره تتعلم !!!
وكل متأمن تأكد راح تتألم
...................................
ونصيحيه بقى الى ليه صاحب
جد وبيحبه بجد وبيحترمه بجد وعايز يحافظ عليه ومستندل معاه ولا جارحه وهوه قاصد او مش قاصد بس سمع اه
صاحبه ارجوكم يراجع نفسه
عشان هيجى يوم مش هتلاقى صاحب زيه .
..............

فلسفه نسائيه 5

متحسبوش يابنات ان الجواز راحه ومتزعلوش يابنات ان قلنا بصراحه ان الجواز عمره عمره مكان راحه
......................................
معرفش ليه بحب ابتدى الفلسفه الستاتية باغنيه :)
...........
لو حد فيكوا عرف ان عندى اكتئاب مزمن تعرفوا ان الفلسفه احد اسبابه النسائية ,استنوا متستغربوش اوى اما تسمعوا فلسفة النهارده تعرفوا انى مش هجاصة اما يبقى بسمع الحوديت دى من صحبات ومعارف كنا فى يوم من الايام بنضحك وبنلعب وبنعيش الحياة زى كل البنات الجميلة طبيعية جدا ويوصل بيها الحال لى كدا
الاموره صاحب الفلسوفه النهارده بنت من بيئة اجتماعية متوسطه اوى او يدوب مستوره من اب على قد حاله واخوات من الطبقه الكادحة ولو ان الطبقه دى بقت اغلبية الحمدلله على كل حال كل معلوماتى عنها قبل الجمعه الى فاتت كانت الكلام ده اضافه انها متجوزه من واحد حبيته ايام الكليه ومخلفه منه طفله جميله ....
والخميس بليل جالى تليفون مستعجل لازم نروح لى ********* بكره انا مستغربه وخصوصا انها مش صاحبتى اوى اشمعنى؟؟
صاحبتى: هى طالبه تشوفك ضرورك عايزاكى فى حاجه !!
انا اتفقنا هنروحلها امتى صاحبتى الصبح الساعه 7 !!
انا :ايه انتى اتجننتى نروح لى حد الساعه 7 ويوم جمعه ايه الجنان ده .
صاحبتى :يابنتى هى عازمانا على الفطار وعشان حماتها تكون نايمه .
انا مستفسره :هى عايشه مع حماتها .
هي : اسماء بكره تفهمى كل حاجه .
وعلى كلمات اغنيه ساعات ساعات اخدنا بعضنا لى هناك.
فتحتلنا الباب ورحبت بينا وعملتنلنا الشاى .
فنا الفضول قتلنى وسئلتها هوه احنا كدا مش عاملين ازعاج لى جوزك ..
جاوبتنى بى بساطه هوه بايت عند مامته فى الشقه الى قدمنا .
ابتديت اجمع صوره حماتها ليه لازم تكون نايمه .
الممهم هى فتحت الكلام وقالت لقيت على تليفونه مسج من صاحبتى فلانه عرفت منها انها بتقابله وفى شقتها .
امسك حرامى قضية خيانه
قالتلى انتى متعرفيش عنى حاجه يا اسماء انا هحكيلك ,
انا كنت بشتغل وانا بدرس وكملت جهازى لى نفسى ولان حماتى كانت مش طيقانى ولا زالت حرمت عليا وجود مفتاح فى شقتى ولا لقمة عيش فيها فى اى وقت حد من اهل جوزى عندنا واحيانا بيفتحوا علينا اودت نومنا وانا بقوم من نومى اطبخ واغسل وامسح لحد اخر اليوم اما خلاص كعوب رجليا مبقدرش احطها الارض
واجى اخر اليوم محرم عليا اتعشى مع جوزى لى واحدى لازم اعد اكل مع العيله وكل ماممكن تتخيليه محرم مش من حقى يبقى معايا فلوس مدام باكل وبشرب وغيره وغيره وغيره
انا مقاطعه طب اشتغلى ولبى احتياجاتك الشخصيه ولا هوه ميسمحلكيش ؟
هى بكل مراره انا اتجوزت قبل مخلص باقى كليتى وبما انى كنت بصرف على نفسى وهوه مش هيدنى اصرف على بقية تعليمى فمينفعش اكمل .
قلتلها طب وايه حكاية صاحبتك دى ؟
قالتلى دى اساسا جارتى من بيت بابايا مطلقه وهوه منعنى عنها وقالى اخلاقها وسلوكها مش عاجبنى وفجأة انه على علاقه بيها من المسجات على الموبيل ومشس عارفه اعمل ايه ؟
منا ماليش حد يشلنى غيره لو اتطلقت ولا سيبته هكل واشرب منين يا اما هتمرمط بى بنتى !!!
انا سئلتها انتى بتحبى جوزك ؟
هى بكل العشق والغرام انا معرفش احب غيره انا مستحمله كل ده عشان هوه بسمة عمري وكل حاجه فى حياتى ..
قلتلها يعنى مش الى رابطك بيه هوه انك مالكيش غيره لاء انك بتحبيه
!!!!!!
جاوبتنى اه طبعا بحبه
.......................................
انا طبعا نصحتها بالصبر ودعتلها بان ربنا يصلحلها الحال
.......................................
لكن !!!!!!!!!!!!!!!!


عمر مكان الحب زل وانكسار وقهر
عمر مكان الحب استغلال وضعف عمر مكان الحب هوان واهانة
هى بتحكى عشان هى خلاص يأست من نفسها وعمر محد هيحب حد ميعرفش يحب نفسه والمسكينه مش واخده بالها هى اد ايه بتكره نفسها
فطبيعى انه يخونها ويعمل اكتر من كدا الف مره
مهو اصل مينفعش احافظ لى حد على كرامته وكبريائة وهوه مضيعهم بأيده
......................

فلسفه نسائيه 4

هستخدم لفظ جاني ايوه جاني ومجرم
اما المجني عليها من اكتر من 15 سنه كنت بنزل مع اهلى اجازه القاهره وكانت لسه مخطوبه لجنابة وكانوا عصفورين بجد كانت ترقص وتغنى وتضحك وتلعب كانت كلها حيويه وجمال وهى كانت فعلا جميلة
جميلة الروح وجميلة الشكل
واتجوزت الراجل ده رغم انه ابتدت تبان علية علامات قلة الاصل والاحترام
مشاكل فتره الخطوبه اهمال فى شغله وحاجات من النوع ده
المهم بعد متجوزت بكام سنه
حصلتله مشكله خلته يبع شقة الزوجيه واضطروا للعيشه مع مامته
وبدأة نهاية تللك الجميلة
بعد مانجبت طفلين اولا عاشت تحت زل وتكهنات ورحمات تلك العجوز الغير رحيمة
وذلك الكائن المسمى زوجها تحولت لمربية للاطفال وخادمة فى دار مسنين وجاريه
وفجأة ورغم ضيق احوال ذلك الزوج اكتشفت انه بشرب مخدرات وللاسف امه كانت موقفها سلبى ومن الجهل قالتلها
ميعبوش حاجه وهوه حر
الحر الى مش قادر يكفى بيته ومعذب بنت الناس واولاده معاه
ومامته الى بتصرف عليه
وعشان هى الى بتصرف طبعا زلت واتجبرت بفلوسها فى مرات ابنها دى
وطبعا هى كانت من الستات الى مؤمنه بمنطق عشان اربى ولادى استحمل
وللاسف مقدرتش تستحمل
هوه ابتدا يزيد افترى رغم ان ربنا حسن ظروفه الماليه
ويعرف عليها بدل الست كتييير وكان بيجيبهم اما تكون امه ومراته بره يعنى كان بيخونها فى اوديتها
وفوق ده كله
كانت بيمد ايده عليها
ومش اى ضرب
كان ضرب مرضى وهستيري
وكانت بتستحمل
بحجة انها عندنا ولاد لازم تربيهم
اتريها كانت بتنتحر شكلها اصبح زى المومياء
والله زى المومياء
جسمها هزيل
شكلها عجوووووووز
عمرها اصبح فوق السبعين وهى لسه بنت تلاتين
وعدت السنين
ومن يومين عرفت
اسوء خبر عنها
...................................
دخلت المستشفى في مرض
نادر جدا فى مخها وهى فى حاله ميؤس منها
وفى العناية المركزه
والغريب ان الدكاتره اقروا ان الحاله النادره نتيجة حالة نفسيه صعبة
يعنى الى حاولت تعمله عشان تربى اولاده منجحتش فيه ولا كان عمرها هتنجح
يعنى لهى الى استحملت ولا هى الى حافظت على نفسها او حياتها


.....................................................................
طبعا هى فى حالتها دى لا يولام عليها ولا على وضعها ولا على انها وصلت نفسها لى كدا ولا لاء
هى بس محتاجه لى كل انواع الدعاء من الناس عشان ربنا ينجيها ويخليها لى اولادها بجد
..................................................
بس الله الغنى عن الحب الذى يقتل
................................
الجانى بقى فقصاص ربنا اكيد عدل

واااا اخلاقااااه

وااااا اخلاقااااااه
اصلى اسبوعى الى فات كنت عماله اشوف ناس تخلنى اصرخ وافتكر الست الى استنجدت وقالت واااا معتصماااه وطبعا افتكرت جهاد وسلامه وى واااا اسلالالالاماه
بس ده طبعا مالوش دعوه انى طول الاسبوع من فرحتى بقول و
واااا اخلاقاااااه !!!!!
اتفضلوا معايا وانتوا تعرفوا ليه ؟؟
الاعراض والاخلاق والاخلاق والاعراض
ايوا حاجه شكلها يخض اوى والناس هتقول يانهار الوان ايه يا مجنونه الى انتى بتتكلمى فيه ده وليه ؟؟
هرد اقولكم ايه يا جماعه دى حاجه بسيطه اوى !!
طب اه والله دى حاجه اصبحت ولا حاجه كل كائن هلامى معدوم الشخصيه والملامح اصبح من حقه يتكلم فى سمعه الناس واخلاقهم وينعتهم محترمين ولا لاء !!!
ويحاسبهم ويحكم عليهم بمنتهى التبجح والاجحاف !!!
اصله عشان هلامى مبيخطأئش عمركوا شفقتوا هلامى بشتم او يغلط دى كأئنات شفافه يا ناس !!



زمان كنا نقول للواد من دول من وهوه صغير اتقى ربنا انت عندك اخت بنت والستات تقول مبينها احنا عندنا ولايه !!!
حتى لو تبعتها نميمه بس اهم برده بيفكروا نفسهم انهم بيغلطوا وبيتكلموا فى حاجه مش حقهم !! "بس ده ايام مهنادى كالها الوبا"
بمناسبة هنادى كالها الوباء دى ليا صديق جميل قالى انا بحب الكلمه دى اوى فنا استغربت وقلتله اشمعنى " قالى حلو اوى اسلوب الكناية والستر ، يعنى رغم ان هنادى دى دبحوها عشان اخطاءت وكانت حامل وبتاع الا ان خالها اشفق على سمعتهى وصر على سترتها حتى بعد ماماتت وادعى انها اكلها وباء او مرض وماتت ..
كانوا حلوين اوى المصريين دول زمان ...
دلوقتى بقى بقى الوبا فى اللسان
اه والنعمه
لو مجموعه لطيفه جمعهم القدر وكان فى وسطهم بينت بتضحك وبتهزر وببتجامل الكل من غير متتعدى حدود اللياقه والاخلاق
تسمع عنها مالذ وطاب
الله بقى لو كانت جريئة وحاولت الى توقف قلل من شأنها فى القعده بفطنتها عند حده تبقى واقعتها سودا ملطشه بكحلى ومردوم عليها بطين
وهباب .
لو مطلقه بقى حدث ولا حرج مبتسلمش لو قعدت فى البيت ومكلمتش حد ولا عرفت حد يقولك اه دى مدكنه وسهنه وفيها وعليها ،
اما بقى لو عاشت حياتها وتعاملت مع خلق الله يقولك شوف البجحه اصلها فيها وعليها ،
ليه اصلها مطلقه ؟؟؟
"علل لماذا المطلقة موضع نميمة الناس ؟"

لو بنت عايشه لى وحدها لى ايان كانت الظروف ...
يبقى سايبه وفاكه و....و....وطبعا ,....

لو مش محجبه تبقى وقعت اهلها طين بص لبسها وطريقتها!!
لو بتدخن دى بقى مفيهاش كلام فتاة ليل وش لسه هياكلوا دماغهم باخلاقها مهى سجارتها بطاقتها فى عالم الانحراف اه !!
هوه ليه سمعت الناس بقيت رخيصه عند الناس هوه ليه احنا بقينا بنصغر الكبائر ونكبر الصغائر
فين عندك اخت بنت واحنا عندنا ولايه !!
فين الشهامه والاخلاق واحترام حرمات وخصوصيات الغير
ومن اكتر الحجات الى تلاقيها فى الكائنات الهلاميه دى انهم كلهم اخطائ وذنوب وفيهم مبيركعوش الصلى وممكن تتحايل عليهم عشان يصلوا فرض المهم بقى

انا مبدافعش عن مدخنه او عن حد متحرر بشكل او باخر لاء انا بدافع عن سمعاتهم مش من حق ايان كان منا
انه يحكم على الناس
الى مش عاجبه حد ميتعاملش
من غير ميجيب سرته وسمعته
والكلام احيانا بيوصل للخوض فى الشرف
!!
طب خدوا عندكوا بقى
الى بتكلم على واحده
لازم يبقى عارف ان من قتل يقتل ولو بعد حين !


و..........
قال رسول الله عليه الصلاو والسلام :
(( من قذف مملوكه وهو بريء مما قال جُلِدَ يوم القيامة إلا أن يكون كما قال ))
والمملوك هنا رجل ..فما بالكم بالمرأة
المرأه بقى:
عن رواية النسائي:ونص حديث الصحيحين: "قال صلى الله عليه وسلم
اجتنبوا السبع الموبقات، قالوا: وما هن يا رسول الله؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات"

والمحصنات الغافلات ليها اصل لغوى وهوه :


المعنى اللغوي.

جاء في لسان العرب لابن منظور :

القذف هو : الرمي والسَّب

ومعناه هنا : رمي المرأة بالزنا أو ما كان في معناه .

والمحصنات : جمع محصنة وهي المرأة المحافظة على شرفها

والغافلات : من الغفلة ، وهي الترك والسهو .

والغافلات: هن البريئات الطوايا المطمئنات النفس لأنهن لم يفعلن شيئا يحذرونه، ويخفن منه.





طبعا لا كلام بعد كلام اشرف الخلق عليه افضل الصلام والسلام الذى لم ينطق عن الهوى


..............................................................

فلسفه نسائيه 3

الى يخلف بنات عليهم ربنا يعينه فى غلبهم يبات ومنهم تطلع عينه
البنت فيهم لو تعوزها ست بيت مراعية جوزهاااا
فجأة تيجى لوية بوزها .....


"تتر حرمت يابابا"


لطيف لطيف ...



تعالو يا حلوين هحكيلكم حكاية حصلت ادامى من سنتين اغنيه اولها اغنيه شعر الصدر حسين :
* هـــــــوه ده


اه بحبه واتفقنا على الجواز كمان 3 شهور
رمتهالنا فى وشنا صاحبتنا الجميلة
وسابتنا قاعدين مبين مستغربين لى مهنجين ومبهوتين وكان فينا طبعا حاقدين !!!
فنا طبعا اتسحبت من لسانى وقلتلها انى اكيد بتهرجى ده انتى حاجه وهوه حاجه تانيه كمان انتى متعرفوش كويس ولا تعرفى اصله وفصله طب اعملى خطوبه الاول وبعدين حكاية الجواز دى !!
هى ردت بانفعال مبالغ فيه حبى ليه مخليانى اعرفه كانى متربيه معاه وفوق كل ده انا ميهمنيش اصله وفصله المهم اننا بنحب بعض وهنتجوز !!
سئلتها طب على الاقل اما تخدى بكالوريسك
طبعا سمعنى كل قطط مصر وهى لاء ...
واتجوزوا وعملوا الفرح الرائع
بابا الحاج ربنا يديله الصحة
عمل الفرح وجاب الشقه وجاب العربيه وحددلهم مصروفهم الشهرى
وجابلهم الدى فى دى والاب توب
وافتكروا دى حلو اوى بـــــابـــــاهاااااا
...........................................
وسابت كليتها عشان جانابه من كتر مهوه راجل كان بيغير عليها من ضله وطبعا اقنعها ان هى خلاص مش محتاجه التعليم وان حياتها معاه هتغنيها عن اى حاجه فى الدنيا ....
لولولولولولولولوى
وهوه ياعينى مش عارف يشتغل مستنى اما اخوه يديله حقه فى مراث ابوه عشان يعمل مشروع
"اى هجص طبعا "
وجابت بنتوته جميلة ...
ورحت ازورها بعد مخلفت ،واتصدمت من اول مدخلت شقتها
شقه فى اجمل احياء مصر الجديده
وعلى ذوق عالى وراقى وفيها كل حاجه
حتى الداده بتاعت البيبي


وقفت شويه ادام اداده اتأملها

داده رائعه الصراحه
طول القعده انا وهى بنشرب فى شاى وقهوه وهى مبين ترضع وتهشك البنت
بس الغريب ان هى هى الداده دى كانت الراجل الى جات قالتنا عليه من كام سنه

هـــــــوه ده


والله هوه بنفس شحنته ورخامته وتقل دمه
ماعلينا
هى شافت الاستفسار فى عنيا
جاوبتنى ببرود مميت مهوه اصله مش لاقى شغل
فبساعدنى فى شغل البيت
وبرعى معايا البنت مهى برده بنته .
روحت وانا عماله افكر امتى هتحصل ثوره
والثوره هتيجى من مين فيهم

وكالعاده تليفون غريب ومتوقع منها بعديها بعدة شهور


هى : انا رفعت عليه قضية طلاق ونافقه وتبديد عفش
انا بلا مبلالالالالالالالاه :اشمعنى؟!
هى بدموع وشحتفه وكسرة نفس : نصب عليا خد الشقه والعربيه حتى الاب توب ورمانى ومسئلش فيا واما حاولت اصالحة قالى انا خلاص خدت الى انا عايزه ..
ومــــــش عايزك !!
انا برده بلا مبالاه: ازاى اخد الحاجات دى ؟؟
هى بكسره مليانه مراره : منا عشان ميحسش بفرق كنت بضغط على بابا وماما يكتبولو الحاجه باسمه عشان كرامته متوجعوش ...
طبعا انا سمعت كرامته كنت هنفجر من الضحك بس حاولت اكتم عشان مجرحاش ....
قالتلى بانفعال برده عارفه الكارثه فى ايه :
قلتلها:خير هوه فى اكتر من كدا
قالتلى : انى مش عارفاله عنوان اهل ولا اقارب حتى القيمه الى ممكن احبسه بيها مش فيها محل السكن الحقيقى وهوه باع الحاجه الى اخده منى ومعرفلوش سكه ولا هوه ولا اهله ...

سئلتنى انا ساكته ليه قلتلها؟؟
قلتلها : انتى مش مكسوفه من نفسك انك كنتى مأجره راجل بعقد رسمى عشان ........
ده خد حقة وسابك
خلصت
!!!!!!!!!
الى انا شغل بالى حالهم ابوها وامها دول الى عمولوا المستحيل عشان ارضاء بنتهم
وبنتها الى مالهاش ذنب غير انها تيجى دنيا خلال ام ردئة التفكير
....
عزيزتى صاحبة فلسفة التضحية الردئة الرخيصه
كلى رحمه وشفقه بذلك الاب وتلك الام
وتللك الطفلة اليتيمة ....
اما انتى
.........
اخترتى كأسك فلا تشكى سكره

عفوا انا لست هذه المرأه ...

يابنتى بلاش صراحتك الى هتوديكى فى داهية دي
بلاش تبان شخصية قوية كدا !!
حاولى تعملى مش فاهمه !!
اه مثلى يعنى استعبطى وحورى واعملى مش فاهمه ومكسوفه اما يجى واحد يسئلك ولا يتكلم فى اى موضوع الراجل بيحب البنت الى مبتعرفش حاجه فى الدنيا !!!
وانتى معاه حسسية انك مبتعرفيش تتصرفى ولا تحلى اى موقف ولو شفتى كلب وانتى مش معاه فى الشارع حسسية انك شفتى اسد وانه كان هياكلك بس طبعا لو كان هوه معاكى مكانش الاسد استجرى يفكر يبص ناحيتك !!!
اقولك حاجه كمان !!
اتمايصى واعملى رقيقه وانك من غيره ممكن يجلك انفلوانزا العصافير !!!
ولو لمح لموضوع لا سمح الله ابيح احمرى واخضرى واستعبطى واقفشى واتنططى عشان ميفهمش عنك حاجه وحشه !!!
لو حاول يمسك ايدك قاومى وقوليله انا عمر محد مسك ايدى !!
بس ابقى سيبه بعد كدا يمسكها !!!
بس اهم حاجه تستعبطى الاول !!
كمان اوعى تقوليله انك حبيتى قبل كدا !!!
ولا ان ليكى صدقات فى عالم الولاد !!!
اه ومتنسيش تحسسية انه سى السيد وان كلامه حاضر وطيب ومطاع حتى لو مش هتعملى كدا !!

ومتنسيش متحاوليش تتناقشى معاه فى اى قررات !!
اوعى تحسسية انك بتفهمى او فاهمه حاجه !!!





بـــــــــــــــــــــــس كفاية
انا مش عايزه النصايح دى
اذا كانت هى دى البنت الى بتعجب فانا مش دى اولا لو عجبت حد وانا بعمل بالنصايح دى
فده بيأكد نظرية اشباه الرجال واننا عايشين
واذا كان فرض علينا هذا النموذج من الرجال
فده مش معناه انى اكون مسخ ملائم لاهؤلاء الفصيلة من البشر

انا لست تلك المرأة الخاضعه لا اوامر هذا السجان
انا لست المرأة المنافقه لارضاء غرور هذا النوع من اشباه الانسان
انا لست تللك المرأة المدعية لذلك النوع من الامان
انا تلك المرأة الطبيعيه
الحقيقيه
الغير مزيفه
لى استقلاليتى واحترامى لذاتى
لى افكار وعقليتى
لى حقوقى وانسانيتى
لاحتاج للتحايل حتى اكسب رضى احدهم
لا احتاج الى الادعاء للهروب من نقدهم

انا لست هذه المرأة .......
انا امرأه تستحق الاحترام والتكريم
شئت ام ابيت
لن اصبح تلك المسخ
عفوا
اكررها انا لست تللك المرأة
..........................
انا امرأة كامله بك او بغيرك او بدون ايكما....

فلسفه نسائيه 2

نا مش انانية
انانيـــــــــة انانـــــــــية
انا ممكن اسيبكو وامشىىى
تيرررر تيررراااا
ايوان بتاعت الفنانه ميريام جرافكس
معلش يعنى يحسن اخواتنا الرجاله يقولوا علينا منفسنين
خلالاص خلالاص
ميريام فارس




* انا مش انانية انا بس سلبية
هي انسانه جميله واعنى بجميلة يعنى زى القمر
الوضع الجتماعى :شبه زوجة ومؤكد خادمة ومنطقى انها ممحية الشخصية
واضافى لى ذلك داده لى طفل جميل
!!!!
بنت من اسره بسيطه مستوره الحال
حبت واحد من قرايبها واتجوزته عن حب وهوه يكبرها ب 18 سنه
وكان مقتدر ماديا عنها وعن اهلها بدرجه ملحوظه
بس الايام مشيت ووعدت
بس وهى ماشيه وبتعدى كانت بتقول ايه انه راجل عاطل
ومستهتر
ومش فارق معاه اى حاجه فى الدنيا غير ان طلباته تجاب وتلبى
وهى طبعا عايشة دور الشغاله الشاطره والزوجه المطيعه
وتعدى السنين مبنهم وهى مكان ميرميها يلاقيها
والناس كلها بلا استثناء يقولولها يابنتى حرام عليكى خدى موقف ثورى ده بخيل عليكى ده فيه ده عليه
ده اكيد بيعرف عليكى ده اكيد واكيد
وهى ساكته خالص ولا بتتكلم زى ميكون مسلوبة الاراده
وتقول انا امى قالتلى الست لازم تستحمل جوزها وتصبر كمان عليلتنا مفيهاش طلاق
وشوية كلام من الى لا بيقدم ولا يأخر ده !!!



فجأة وبدون مقدمات
قررت تثور
وطبعا طلعت فشنك
ونزلت على مفيش
وكل متحاول تواجه نفسها تتصدم
ومتعرفش حتى ابنها اصبح مستقبله مجهول ابن لى اب لا يفقه شئ عن اى شئ عن اسرته حتى واجباته الماديه مبيدهالهاش
وانا سئلتها وقلتلها انت ليه مبتاخديش موقف ؟؟؟
جاوبتنى وهى شبة ميته !!
وحاسيت ان شبح بيجاوبنى منا اى حاجه هعملها هتأثر على ابنى
وانا مش انانــــــــية
ده على اساس ان ابنها ولى عهد المجر مع اب زى ده !!!



وهى ........ عجزت عن اوصف ردائت حالها
بس كالعاده دايما بتنصحنى انى ابعد عن سكه الجواز بالى فيها حلوها وواحده زيها مش شايفه غير وحشها
وقررت انها متكنش انانية بس اصرت تبقى سلبية
وحاربت عشان تبقى سلبية وتمسكت بكدا
ونرجع نقول الاولاد والنبنات دول طالعين معقدين وسلبين وضايعين ليه



اقولكم احد الاسباب
ام سلبيــــــــــــة
صحيح مش انانية
بس للاسف
عندها احد اردئ انواع الفلسفه النسائية

البنات عايزه ايه :)

البنات البنات الطف الكائنات !!!!
انا للاسف مضطره اغير واكتب عن البنات والستات اصلى بصراحه بقالى فتره كدا دمى محروق من عمايلهم والنهارده نمت على تليفون من واحده صاحبتى بتشتكلى جوزها الى بصراحه جمبها غلبان ووديع فصحيت مفزوعه لتغير مقيس الزمن ده هوه ايه الى بيحصل!!!
كل يومين يجمعنى الكلام بواحده من صحباتى او واحده من زميلاتى والسيره تيجى من بعيد او من قريب عن الرجاله وعمايلهم فينا يختتتتتي !!!!
وبشوف فى الحكاويى دى عجب العجاب بصراحه يعنى يعنى مثلا ليا صديقه من يوم معرفتها وهى بتعانى من فوبيا العونوسه ورغم انها اصلا مفعوصه الا انها معظم كلامها معايا انا مبقتش صغيره انا عايزه الحق اتجوز انا كل صحباتى اتجوزوا اعمل ايه شوفلى عريس مفيش حد انا موصيه ماما وخالتوا وابن بنت بنت خالتى وجوز بنت عمتى انهم يشوفوا عريس اه مش عيب انا عايزه اتجوز عشان الناس متقولش عليها وحشه واعنس ؟؟؟؟؟
طبعا مش عيب وكل واحد حر فى دماغه بس تعالوا شوفوا الهانم المسروعه على الجواز دى طلباتها عامله ازاى طبعا بتوصيتها الكتير ولانها بنت حلوه وبنت ناس ومتعلمه بتقابل وبيجولها عرسان بس بصراحه زى مبيجوا زى اول ما منيو الطلبات تنزل يطلعوا يجروا اصلها هى مامتها عايزين شبكة متقلش عن شبكة مش عارفه مين وممكن نتنازل وتبقى زى شبكة دارين بنت طنط لمياء بس هما مش هيقولوا للاهل عشان ميكلوش وشهم والشقه لازم تكون يامدينه نصر يامصر الجديده ده غير الفرح والجهاز وشهر العسل من غير تفصيل يعنى ولو فى واحد قال امين وباع الى وراه والى قدامه عشان طلباتها هى ومامتها لو حد لمحلها ان فى عريس ممكن يجيب حاجه اكتر وش الغلبان هوه الى بياخد الاستماره وتجرى ورا العريس الى هيدفع اكتر واما تعد اسبوعين تلاته ميجلهاش عريس تتصل بيا او تقابلنى منهاره ععععععععععععععععععععع انا ماليش حد انا شكلى هعنس !!!!
دى بتدور على عريس طيب الى اتخطبت بقى وفى الرايحة والجايه مسكه الغلبان تسمعه فى كلام ليه العجب يعنى مثلا لو راحوا مع بعض خطوبه ولا فرح تبتدى تقوله شايف باين عليه بيحبها ازاى بص بص جايبلها شبكه عامله ازاى شايف فرحهم وتبتدى تندب على حظها المهبب ونصيبها الى ميعلم بيه الا ربنا وترجع تتصل بيا تقلى انا مش عارفه انا وافقه بيه على ايه اهى جوازه والسلام بقى اسئلها طب هوه مبيحبكيش تقلى ببجاحه اهوه متنيل بيحبنى بس هوه انا هعمل ايه بحبه ده هنفرشه سجاجيد ولا هنقلقه بدل النجف وتسكتنى بالمقوله اللطيفه يلا محدش بياخد اكتر من نصيبه اوعى يابنتى تفكرى تغلطى وتعمليها انتى كدا فى رحمه !!!!
صاحبتى بقى الى فجرت الفكره فى دماغى انى اتكلم عن البنات والستات وعمايلهم الغامقه متجوزه وعندها بيبى جميل كدا اتصلت بيا تشتكلى وتطالبنى انصحها نصيحة الحل رغم ان مينفعش حد يحل لحد ولا فى النصيحة السحريه فى اى حاجه فى الدنيا اول كلمة سمعتهالى منه لله ربنا ينتقملى منه قلتلها خير ودى كانت الكلمه قبل الاخير منى على مدار ساعه على التليفون
البيه قى منتهى قلة الادب اول متجوزنا كان الكلام الحلو والبكش ولو حد زعلنى من اهله يفجره عشان خاطرى واول محملت كنت لو طلبت لبن العصفور يجبهولى دولوقتى بشحت منه الكلام وبيقعد ادام التلفزيون زى الصم والبكم ويوم مبفضل ازعق عشان يرد يرد يقلى برود فى ايه عايزه ايه اما خلاص زهقت انا مش عارفه ايه الى حصله ليه اتغير كدا وابتدت تعيط وانا طبعا ساكته محترمه دموعها فسئلتها سئوال رفيع جدا خصوصا انى عارفه انها اد ايه عصبيه ومبتحكمش عقلها قلتلها انتى لسه مهمتمه بنفسك زى زمان واما بتكلميه بتستخدمى نبره صوتك دى لقيتها انفجرت فيا وساعتها طبعا انا من قبل متحكيلى تفاصيل انفجرت فيا وقالت العادى يعنى اصلك مش عارفه يعن ايه وراكى شغل البيت والولد الى عمال يرجع وليه موعيد نوم و.....و......,......,....الخ طبعا انا حسيت انى بتفرج على فيلم عربى من التمنينات الشقه من حق الزوجه ههههههه
وفجأة حولت عضبها وسخطها كله بالنصيحة العظيمه اوعى يابنتى تتجوزى دانتى ربنا بيحبك انك مدبستيش تدبستى !!!!!

طبعا ده اكيد مش حال كل البنات والستات ولا دى القاعده بس ده بقى حال بنات كتير فى زمنا ودى اصبحت عقليتهم وده مش كل حاجه ده فى كتير وكتير اوى وزعلانين ان الرجاله ممكن فجأة تتحول طب محدش قينا سئل نفسه هوه سمع من صاحبه ايه ولا مراته بتعمل فيه ايه ؟؟؟؟
انا يمكن معلقتش على واحده فيهم بشكل خاص لان بصراحه انا مؤمنه انى مش عارفه البنات " العقليات الغريبه دى مش كلهم طبعا ههههه" عايزه ايه ؟؟؟؟

حرام عليك يخرب بيتك علي إنت عامله فينا!

ياجماعه أنا مستفزه اوي من ساعه مشفت حلقه تامر حسني في برنامج واحد من الناس ؛أولا أنا أحب اوضح حاجه رفيعه؛أنا مش بكره تامر بشكل شخصي أنا بكره حاله السفه الي أصبحنا فيها كمان أنا مش ناقضه فنيه عشان أنقد أعماله أنا حد من الوف الناس الي تعبت من كتر مبيدحك عليهم .
المهم بقى عم تامر حسني صاحب السيره الذاتيه العطره إبتدا كلامه عن نفسه إنه كان طفل فقير جدا غلبان إشتغل وهو 11 سنه عشان مكانش عنده مصدر دخل المهم يعني إنه أتمرمت وهوه طفل حاله حال ملاين الاطفال في مصر عاشوا المساه دي وغيرهم برده لسه بيعشوها؛وأما كبر وبقي شاب والدنيا حاربته وحاربت طموحه فتحول لشاب محبط منهار ممم والنبي ياخويا شاورلي على شاب مش محبط ولا منهار في زمنا ده،الغريب بقى إنه كان خجول خجل قصدي عامل مكسوف وإنه في الحقيقه إنسان أنطواي وهادي ده كلامه عن نفسه ،وبدأ رحلت النجاح وأتغرغروا بيه عشان يهرب من الخدمه العسكريه أصل ياحرام بيصرف على طنط فامكنش ينفع يدخل الجيش ويسبها ياعيني أصيل ياطمورا والله طب هو أحنا مشوفنا شاب عنده كوم لحم أم واب وأخوات هوه الي بيجري على رزقهم مش فاهم يعني أشمعنى تامر حسني ده الي لازم نشوف حياته عبره الي نرفزني بقى إنه كان مصر إن الي بتفرج على الحلقه يركز عشان يتعلم من حياة العندليب المعجزه العبقري وطبعا الحوار كان في منتهى الذكاى يعني مثلا شويه ينتهج فلسفه باولو كوينوا في رائعه ساحر الصحراء أتبع الاشارات والعلامات وفجأه يخطفنا بروح إيمانيه صادقه بمدي علاقته بي ربنا وقربه منه إيه ده كفايه بقى أنا حسيت إن رمضان الجاي هيكملوا سلسه مسلسلات السير الذاتيه بيه يعني هو الملك فاروق والعندليب أحسن منه في إيه ها ؟
حد بقى يقلي إيه الدروس المستفاده من حياه تامر حسني ذنبنا إحنا إيه إن كتلت سفه تدنا نصايح لاء ذنبنا أنا قبلنا إنحطاط الذوق العام وشجعنا عليه وطموره يمكن الحاله الباينه لينا بس في حاجات كتير تأكد على إننا بنشجع إنحطاط الذوق ده وطول محنا ساكتين هيفضل الفيرس منتشحر وهيبقى وباء وأخطر من السارس والخنزير في المضمون عشان ده بيهاجم عقول ويأثر على ثقافه مجتمع بحاله،إذا أنفلونزا إنحطاط الذوق العام هي الوباء القادم،وأخر حاجه ممكن أثبت بيها استشهادي بجزء من أغنيه نجم الجيل "هوه عشان أنا حبتك تجرح فيا حرام عليك يخربيتك على إنت عامله فيا"

ياسيدى على الرمانسيه !!!

بصوا بقى انا من الاخر مش كاتبه ولا مبدعه ولا عندى اى موهبه من المواهب دي انا كل الحكايه بس انى عندى فلسفه وفلسفه مش فزلكه زى ماليا صديق دايما بيقولى كدا فلسفتى دي بسيطه اوى ان الانسان لازم بيفكر فى كل حاجه بتحصل حوليه ومعاه وده طبيعي عشان احنا بشر ولو فكرنا فى كل حاجه بأجابيه يبقى يابختنا بالنتايج العظيمه الى تدى نتايج الثانويه العامه على دماغها :) المهم بقى بقالى فتره كل متكلم ولا اتعرف على حد راجل ولا ست يسئلنى اذا كنت رمانسيه ولا لاء ؟؟؟
وانا من غير مفكر فى السؤال ببله اجاوب معرفش معتقدش
!!! والقى نظرات استكار من ناس واحتقار من ناس واعجاب من ناس تانيه !!
السؤال الى ابتدى يشغل بالى هي ايه الرمانسيه اكتر وايه حكايتها مع البشر وليه فى شخصيات رمانسيه وشخصيات لاء وبسمع ده عمل حركه رمانسيه ولو مفيش رمانسيه يبقى مفيش حب و...و... طبعا انا ابتديت الى يسئلنى السؤال ده انتى رمانسيه ولا لاء ؟؟ اجاوبه بسؤال هى ايه الرمانسيه من وجهة نظرك ؟؟؟
وطبــــــــعا فجأتنى الاجابات بل هى اذهلتى الصراحـــه بقى !
*واحده مثلا قالتى يابنتى رمانسيه يعنى حبيبك يجبلك ورده يقولك بحبك يمسك اديكى ويبص فى عنيكى وتبقى حساه كدا وطايره !
* حد تانى بقى خالص "حد يعنى مذكر :) " سئلته نفس ذات السؤال سرح جدا وقالى ايه الاسئله دى يابنتى الرمانسيه شوية كلام حلو وخروجات فى اماكن كويسه وسينما وفشار وعموما القعده فى اى مكان هادى وهوه مش قصده هادى بالمعنى الهادى هوه قصده بالمعنى الهادى ههههههه وطبعا جنابه كان بيبتسم ابتسامه صفره جدا لمونى مش بس صفره وهوه بيقول كدا ;) فاهمنى

طبعا
وكان صريح وقالى يابنتى معظم الرجاله بيحسبوها كدا !!
انتوا الى بتجروا ورا شويه تفهات . ده الانجاز
* واحده صاحبتى تانيه قالتلى الرمانسيه انى احضر لجوزى عشى حلوه على اضواء الشموع وتكون البنت نايمه عند ماما ونعد نفتكر ايام مكنا مخطوبين وكنا بنزوغ عشان نعد مع بعض اكتر
صحيح هوه بيدخل يقلى ايه الهبل ده بس كفايه انى ببقى حسيست نفسى بكدا
!!!!
* حد بقى اما سئلته اتحول للعنجليب :):):) وقعد يتكلم عن الحب والهيام والاحساس والمشاعر وكان فاضل يتكلم عن البلوبيف وانا متأكده انه بشتغلنى زى الشرز التريكو !!!
* حد كمان اما سئلته السؤال ده عنيه لمعت اوى وشفت فيهم اجمل احساس بالحنين واتنهد تنهيده جريحه وقالى معرفش !!!!
* ليا واحده لطيفه جدا كان تعرفها عظيم اوى قالتى انا احس بالرمانسيه اما خطيبى يسمع كلامى ويوافق على كل الى اطلبه ويجبلى لبن العصفور وطبعا لبن العصفور ده متوفر بكتره فى كارفور يعنى لست طباتى ومشورى واحتياجاتى كده احس انه بيحبنى وبيتعامل معايا برمانسيه :) والله الناس دى ربنا هيورها
* من الناس الى قالتلى كلام حلو اوى كانت واحده دماغها طبعا ....... قالتلى انه يدلعنى ويقولى يا كوكى ويهدنى اغانى ومسجات ويجبلى قطه زى هانى سلامه فى السلم والتعبان :)
* ومن الكلام الى موتنى من الضحك فى الموضوع ده كان حد اما قالى الرمانسيه يابنتى اما اقعد اسمع اسامه منير واقول لصاحبتى اسمعيه فى نفس ّذات :)
*ليا صاحبه جميله كدا وصغونه اما سئلتها ضحكت وقالتى اى كلام انا غير حب الام والاب والوطن معرفششششششش
:):)
وطبعا كانت معظم ردود الولاد والرجاله فى اقتضاب وناس كتير قالت معرفش رغم انها بتوصف نفسها انها رمانسيه
وناس ردودها اتحولت لدموع عشان افتكرت يوم متغدر برمانسيتها !!!
انا بقى مقتنعه ان الرمانسيه احساس لا يوصف ولا يعرف ومش بين واحد وحبيبته او العكس بس لاء ده كل حد فينا ليه طعمه وفلسفته الخاصه فيها ومينفعش اننا نصفها فى تصرفات او كلام لان لو عملنا كدا يبقى احنا بنحولها من احساس رقيق وراقى اوى لحاجه ماديه قميتها ضعيفة لان الماديات قيمتها اقل بكتير من المعونيات.

لان الاحساس احد اعظم نّعم الانسانية الى مفيش فى رمانسيتها !

حدوتة صغنونة...

بقالى فتره كدا كل مقعد اتكلم انا وحد نجيب فى يخدنا الكلام اذا كنا ماشين صح ولا غلط !!
وحنا اساسا بنفكر صح ولا غلط وبنتصرف صح ولا غلط ؟؟؟
وكنت دايما مقتنعه ان الانسان كامن جواه اعظم اسرار التحدى على الارض وده بيظهر اوى اما يبقى اودامه فرصه يغلط ويعرف يحافظ على نفسه وميغلطش !!!!
انا بقى هحكيلكم حكاية صغونه بتاعت بنوته جميله وصغنونه انا شايفه انها فى يوم من الايام هتبقى من احسن الناس وانا شخصيا بحترم عقليتها اوى وبقدر تميزها !!!
البنت دى كانت بالنسبه ليا اعظم مثال للتحدى
ظروفها الاسريه كانت فيها حاجه مش معتاده حكم الحياه حكم عليها وعلى اهلها انها تعيش فترات طويله بعيد عنهم ... وبما انها بنت وصغنونه اتلم عليها اصدقاء السوء وابتدوا يشدوها لسكتهم الى مش منحرفه بس خاليه من اى مسؤليه !!
بس هى كانت دايما تقول لنفسها دى مش الحياه انا لازم اتغير واكيد انا ممكن اعيش احسن وفى مره سئلتنى وقالتلى هوه الانسان ازاى يتغير وازاى يغير الى حوليه حبيت فيها اوى رغبتها فى التقدم وشجعتها على اد مقدر وكان دايما جوايا احساس تجاها انها هتبقى حاجه مميزه اوى بس الدنيا خدتنى بعيد عنها شويه وبقيت اعرف اخبارها كل فترات طويلها وكنت كل مره بعرف اخبارها بفخر بيها اوى لانها كانت مستمره بخطوات ثابته تجاه الطرق السليمه والتميز وحسيت انها تنفع مادة للتدريس فى فن تطوير الذات

ومن ساعات جمعتنى بيها مكالمه طويله خلتنى اقف مبهوته ومش عارفه ارد عليها .....
لان التحدى الحقيقى ابتدى يشدها وبتدت احباله تتلف حولين رقبتها وابتدى جزء من عقلها يحاول يخدر ضميرها ويدها مببرات ومسكنات ومهدئات عشان الحبل يتشد اوى حولين رقبتها وماتخرجش منه غير وهى خاليه من الروح تماما طبعا وانا بتحاور معاها كنت عارفه ان ذكائها فى الحوار هيخلى الجدال يطول والنتيجه هتبقى كدا كدا بتاعتها تماما وكلامى مش هيبقى ليه اى قيمه فى النتيجه دى سواء كانت اجابيه او سلبيه !!!
الحدوته دى خلتنى اسئلها واسئل نفسى واسئل كل الناس هوه احنا ليه بنحط فى اختبارات وكل حد بيكونله اجابه غير التانى ؟؟؟
طب ازاى نواجه اختباراتنا وتحدياتنا دى ؟؟
ازاى نعرف نوظف الصراعات الداخليه الى جوانا لطاقات اجابيه ؟؟؟
ازاى نضمن ان نتيجه التحدى ده لصالحنا ؟؟؟؟
طب ولو ضعفنا واتغلبنا ازاى يبقالنا وش نواجه نفسنا ؟؟؟
ياجماعه انا محتاجه اقولها واقول لنفسى واقول لى اى حد اوعى تقبل انك تتغلب وتتضعف ويبقى مالكش وش تواجه نفسك ومتسمحش لكبواتك تهدك وتهزمك !!!
اتحدى نفسك !! وواجه بايمان مخاوفك وانت اكيد هتعرف تجتاز اى شئ مهما كان !!
يارب تكون رسالتى وصلت ;)

ولاد وبنات سالم !

فى الفتره الى فاتت لفت الدنيا وفاتت جمب قلبى وقالتلى ايه هوه انتى احاسيسك ماتت؟؟
رديت عليها وقلتلها يادنيا سيبيكى منى انا همى اصبح شاغلنى ومحرمنى طعم الهوى وطعم التهني...
ردت عليا مكشره عمر الهم مبحرم حد من حاجه
انتى الى حولتيه لوحش يقدر يغرز انيابه فى شرايينك!
ورجعت من تانى سئلتنى وايه هوه همك ده !!
شردت وقلتلها يعنى انتى مش عارفاه قالتى ولا شيفاه ؟؟
قلتلها طب تعالى اما افرجك ؟؟
انا بنت اتربيت على الفرق بين الولد والبنت
من وانا صغيره اسمعهم يقولوا ده ولد ودى بنت وكبرت وخدت بالى ان الولد غير البنت واما دخلت المدرسه
لقيت جمع المؤنث السالم وجمع المذكر السالم



فقلت كدا يبقى الى يجمعهم انهم هما الاتنين ولاد سالم "يعنى عايشين فى سلام وكلنا انسان " وعدت الايام وفهمت ان سالم مش هوه الى بيحط قوانينه على ولاده لاء دى طنطت عادات وتقاليد كبيرت العيله هى الى مسيطره على تربيه الولاد والبنات
قلنا وماله طنط برده عندها كام الف سنه وحقها
تأمر وتتشرط
لكن فجأء طنط ابتدت تدلع وفى المعالمله تفرق
قال يعنى هى قبل متفرق كانت عادله مبينهم اوى
فقلت والله لشيل كفنى على اديا واروح اوجه دى الوليه وسئلتها انتى بفرقى فى المعامله ليه ؟؟
قالتى هوه انتى مش عارفه ليه اصلى الطبيعى ان الراجل يستاهل شويه صلحيات اكتر بكتيرررررررر من الست
يعنى عندك مثلا الراجل مبيجبش العار و لا بالعيال شاغل دماغه ومحتار ولا السن ممكن يقلله
وفى زمن زى زمنا


ميعيبه غير جيبه ؟؟؟
فتخقت من هلوستها دى وقلتها
هوه الراجل المفروض يبقى عامل ازاى ؟؟
ضربت لخمه والتلئلئت
قالتى بعدها راجل
يعنى شكل خشونه وجدعنه وحنيه وطيبه ومسئوليه وحمشنه وحريه
قلتلها كل ده جميل
بس كلمنى عن الحريه ؟
قالتى اسمعى يا غلباويه انتى شكلك عندك حاجه تقولها ليا ! اتفضلى قللى الى عندك ومالك شايله منى ومن قوانينى ومن الرجاله ومعقده الدنيا على نفسك ومتهمها فيا ...
قلتلها بس بشرط متناقشنيش ومتقاطعنيش اسمعى منى وكأنك مسمعتنيش ...
ضحكت وقالتى اطمنى ده طبعى امال ازاى انا وصلت لو ضعى ده مهوه عشان بشوف وبسمع وكأنى ولا شايفه وسامعه !!
قولى يالا الى عندك ؟؟؟
*قلتلها طبعا انا مش هتكلم على قوانينك لان انا شايفا فيها صح وفيها غلط انا بس هختص جزء التفرقه مبين الراجل والست ؟؟؟
انتى شايف الراجل الى يقول كلمه ويوعد وعد وميبقاش اده..
الراجل الى اما يغلط يقاوح ويرفض الاعتراف بالغلط
الراجل الى يجبر الست الى المفروض انها اضعف منه على حاجات كتير خارجه عن ارادتها
والراجل الى يرمى مسئولياته على الست وهى تكون مش قادره تعملها ويقلها اشمعنى يختى منتى طلبتى المسواه
الراجل الى يلف ويدور ويكدب ويأفق على البنات ويرجع يقول هما الى قبلوا كدا على نفسهم
الراجل الى واحده تعلم عليه فى حدوته حب فيعيش بيعذب فى اى واحده تحاول تقرب منه عشان جنابه متعلم عليه
الراجل الى حل مشاكله بقوته مش بحكمته يازعيق يا شخط وعند ناس كتير بتوصل للضرب
الراجل الى اما يتزنق فى موقف يبتدى يقول فى اعذار اى كلام ويرمى غلطه على الى قدامه
الراجل الى من حقه كل اخطاء الدنيا من صغيرها وكبيرها وفى الاخر يدور على الشريفه العفيفه الى تشيل اسمه
وتعيش جاريه ليه
؟؟؟ لاء ونعم الرجوله
الراجل الى يقف يقول انا ميعبنيش وميقلنيش وميصغرنيش
كل انواع الاخطاء الى تصغر وتقلل اى حد محترم بس تتغفرله عشان هوه راجل ..
الراجل الى يجى بمنتهى الانانيه يطالب واحده ادامه بكل انواع التضحيات
مقابل انه هيتعطف عليها وهيتجوزها وانت رفضت او فكرت تبقى متمرده ومش هى الى تستاهل !!

الراجل الى شروطه فى شريكة حياته شاطره فى شغل البيت والطبيخ والغسيل وفوق ده حلوه وجميله وانيقه
بس غبيه ومبتفكرش ومعندهاش شخصيه عشان تبقى تلميذته "وهوه نيته جارته"
الراجل الى يحرم الست كل حقوقها بحكم انه من حقه هوه بس الى من حقه يحب و يختار....
*فجأة لقيت من كتر الى الانفعال صوتى راح واترعشت وحسيت انى هيجرالى حاجه وتخيلت ان طنط عادات وتقاليد هتمدلى ادها لقيتها واقفه زى تمثال الشمع وعليها تراب وعناكب كأنها تمثال من الجاهليه مالهاش اى قيمه وكأن كل قيمتها وتفرقتها ومميزتها وقوانينها محسومه ...
والكهف بتاعها مظلم وموحش .... صرخت يمكن حد ينجدنى مالقتش غير شويه دمع مساندنى ونفسى بتقلى انتى صح بس ده مش زمنك ولا زمن الى زيك ده
خدى همك وارجعى قبل ميدوس عليكى الزمن ....





قلتها شوفتى يادنيا انا ليه شايله همى وبيه متحاميه
لقيت الدنيا واقفه متغميه كأنها شايفه شبح او حتى جثه مرميه وطلعت تجرى خايفه ومتداريه وقالتلى وهى
بتجرى انا عمرى مهسئلك تانى انتى ليه بهمك مشغوله ولا
ليه سالم مبقاش سالم ؟؟؟؟؟؟؟

تحب تعيش المأساة بالطبع اااااه

كل يوم والتانى ابص وادقق للدنيا والعيشه والى عايشنها مشاكل سياسية وشويه اقتصاديه وياعينى على المشاكل الاجتماعيه وده طبعا غير العاطفيه ,
والناس مختلفه طبعا فى ردود افعالها من منفض ومكبر لى ماسك ضوافره ومقررقض وعموما انا مبقتش استغرب اى حاجه من الناس مهما اختلفت بس الطابع العام الى الكل عايشنه منفضين ومركزين انهم حاسين انهم فى متاهة المأساه كل انسان بتعامل على ان همه هم محصلش وكان الى عايشة
ده اخر الدنيا ، رغم ان الدنيا ملهاش اول من اخر ،
انا طبعا اتفزلكت وخدتنى ورحت ماسكانى سئلنى ومقرره انى اعالجنى من احساس العيشه فى المأساة ده ،
عزمتنى على فنجان قهوه وقعدت بصالى وابتديت اكلمنى واسئلنى ايه يابنتى ايه الى جرالك مأسيكى وهمومك ولا كان الدنيا فيها خير ؟؟؟ ليه كدا
طبعا جاوبتنى بحواديت كتير اتجرحت واتالمت فيها بس من الاخر كلها حاجات ممكن تحصل لى اى حد واذا كانت حصلت وعدت ليه متمسكه بذكراها الاليمة قالتلى عشان فيها حاجات مبتنسيش حتى لو عدت حسيت انه جرح بعينه فسئلتنى ودا ايه الى مستصعبه تنسيه قالتلى وانساه ازاى وانا لسه عيشاه ؟؟؟!!!
استغربت منى اوى واصريت اعرفه ايه هوه ده ؟؟؟!!!
قالتلى عارفه اما تقابلى ناس حلوه اوى وتحبيهم اوى وتتعلقيى بيهم اوى وترسمى حياتك معاهم وجواهم ؟؟؟؟!!!
قلتلها دى قصة حب بقى ؟؟
قالتلى لاء الناس دى مش شرط قصة حب دي ناس بتدخل وبترخرج تانى بس فى الفتره الى بكونوا عدوا فيها على قلبك بيكونوا علموا جامد اوى ...

قلتلها طب ميكن انتى بتزعلهم او بعشرتك بطهقيهم ابتسامت وقالتلى تفتكرى الحكايه دى لاء خالص الحكايه ان ده بقى طابع زمنى ومش انا بس الى بحس بكدا كل حد بيعيش الاحساس ده بس الى الحكايه انه عندى واجعنى اوى ومعيشنى مأساة .....
سرحت معايا كدا بفكر فى حل ؟؟؟!!
واكلت ودانى بالطاقه والتجديد و نظرية القطار والتنمية البشريه ورصيد بنك الاحساس ....

بس لقتنى ودن من طين وودن من عجين !!!
فروحت مفوقانى ومسمعانى كلمتين فى المتين !!!
من بتوع اجمدى وانفشى وواجهى وتعاملى
ولا انت ايه بتحبى تعيشى المأساة ؟؟؟؟
لقتنى بجاوب بالطبع اااااااه
ليه بنوصل لى كدا!!!
انا على فكره مش مجنونه ولا الى انا فيه ده انا بس الى فيه ده نااااااااس كتير اوى عايشنه !!!
بس ارجع واقول انا كرهت من عيشة المأساة ولازم اعمل حاجه تخلنى افخر اوى بنفسى والحاجه دى انى اخرج بره سجن المأساة ومهما واجهة لازم احله واعديها وانسااااااااااة ....

فلسفه نسائيه 1

Big size
حقوق المرأة
المرأة الجديده
المرأة المتحولة
واكيد طبعا
المتوحشة
ونحن النسوة
واجدد حاجه كلام نسوان
وفجأة كدا ثورة نسائية عارمه
عملوها مجموعه من صحباتى اللطاف الجمال المتزوجات والمرتبطات الحاقدات الحاسدات على حريتى واستقلليتى والى وافقوا على مبدأ ضل الحيطة لا مؤاخدة يعنى
وناصرونى على حريتى واستقلاليتى دى بمبالغه مش منطقيه
حواديت سمعتها الفتره الى فاتت بتبتدى
بجملة من اتنين *:
- احنا اتفقنا على الطلاق
- انا خلاص عايزه اطلق


ياناس يا هووووووووووه ده مش كلام والسلام ده واقع بقالى فتره عايشاه
bold
*اكفى الائدره على فومها تطلع البنت لى امها *
انا :الو
صاحبتى:
ازيك يا هانم فينك كدا مش باينه ولا بتسئلى ؟ ايه ده مكانش عيش ومالح

انا مرتبكة ومتحججة :معلش والله يا بنتى الدنيا والشغل ومعرفش انتى مواعيدك ازاى
اخبارك واخبار جوزك وبنوتك ايه يارب تكونى كويسه ....
هى متأففه :اه البنت كويسه الحمدلله
قللى انتى ايه جديدك ؟؟
انا مستعبطه : جديدى فى ايه يا قطة ؟؟
هى مرخمة : الجواز الحب كدا يعنى ؟؟
انا بامانه :لاء والله مفيش جديد ،وبعدين انا بخباثة:
يعنى هما الى اتجوزوا خدوا ايه من الجواز ؟
هى مسصدقت :اه والله معاكى حق اوعى تتجوزى بلا جواز بلا قرف انتى كدا مرتاحه وزى الفل عندك انا منفصله بقالى 6 شهور وخلاص هنسيب بعض واتفقنا على الطلاق
الراجل من دول يابيخون يا لسانه طويل وقليل الادب يا طمعان يا بخيل مبقاش فى رجاله يا ماما
انا مستنكره : ايه فى ايه بس خير انشاء الله
هى مخنوقه :انا بقيت عامله زى الكرنبه وزهده فى الحياه وفيه وخلاص هوه من اول مخلفت فى اوده وهوه فى اوده وبتقابل بالصدفه .
انا :لسانه طويل ازاى يعنى ؟؟
هى : بيشتم ياستى وبشتمنى ادام اهلى اهلى الى جابوله وجابوله وجابوله ......بس انا ايه مبسكتش بشتمه باهله ادام عينهم وبقوله فيك وعليك ادام مامته واخواته !!
انا مش مستوعبه ومتنحه وقرفانه : ايه الى وصل الكلام مبينكم لى كدا وايه الاسلوب الردئ اوى ده فى التعامل ؟
هى :جوازه الندامة بلا قرف ده موكوس دانا عماره من عندى بية هوه واهله
...
انا ساكته :وبعدين سئلتها قوللى ازاى مامتك؟؟
هى :اه الحمدلله كويسه مش طايقه جوزى وبتبهدله
انا اتخنقت وسرحت فختصرت الكلام وقفلت معاها على اساس انى اما تيجى فرصه هنتقابل ونعد نتكلم براحتنا..
وبعديها قعدت افتكرت ايام مكنا صغيرين انا وصاحبتى ولسه فى الجامعه
صدقتى الوليه حاليا كانت بنوته دلوعه جدا بنت رجل اعمال مشهور جميله لطيفه خفيفة الدم
بس كانت مامتها مثال للام الماديه المحدثه الى طول الوقت بتتكلم فى الفلوس فجأة وكانت لسه عندها 20 سنه ابتديت تظهر عليها فوبيا العنوسه المبكره
عشان لازم تتجوز والسلام عشان ميتقالش عليها معنسه والناس تاكل وشها هى واهلها ويتكلموا عليه
وبدأت رحلة البحث عن ضل الحيطة وكل الى يتقدملها تبقى وقعته
المهببه من التفرقه انهم مش
مستوى واى حد مها كان مستوى تانى والمغلاه فى الطلبات والمزايده على الاستمراريه لو مجابش ومجابش يبقى مفيش ومفيش
وطبعا ده من طنط الجميله مامتها وياسلام لو طلع من الغبان هوه ولا اهله حركة
غلط
بقصد او من غير يبقوا الطمعانين النصابين
ويتعاير معايره على حاجات غريبه
وفى الاخر يلم الباقى من كلامته المتبعتره ويمشى
الى بستغربة انها اما النوع ده من الستات وده مش الحاله دى بس لاء دول كتير بختلاف تفاصيل ومواقف يتكلموا على نفسهم على انهم ملايكة
:|
طنط كمان كنت كل مشوفها اسمع نفس مصطلحات كريمتها فى الجوازه الهباب
؟؟؟؟
انا مبقولش ان جوزها الرجل الى محصلش لاء انا بتكلم على ان الاهانه دى احد هويات البشر
ان النوع ده من الستات اجيال بتسلم بعضها الرايه لان صدقتى رغم تعلمها العالى الا انها جاهله
واستلمت رايه مامتها والنوع ده مش هيرتاح غير اما يسلمه للاجيال الى بعده !!
ويتقالك جوزات بايظه ومجتمع مبهدل
"صديقتى الوليه قبل متلومى مجتمعك على اهداره حقوقك لومى نفسك على نزعك لى صفاتك النسائية"

مبحبهاش تهرب من بين أديه !!!!

هوه انا ندمانه ؟؟؟
طب هوه الندم ده عامل ازاى ؟؟؟
هوه انك تقول لنفسك انت اتسرعت ليه ياريت معملت كذا وكذا .....
ولا ياريتنى مقلت كذا وكذا .......
ولا ياريتنى فكرا قبل كذا .......
ولا ياريتنى اتصرفت اسرع وانا بخد قرار كذا ......
طب هوه احنا بنندم على اخطائنا بس ولا على الحاجات الكويسه الى عملناها ومتقدرتش ؟؟؟
طب يبقى الحل ايه ؟؟؟ لو حسيت بأحساس حلو اوى تجاه شخص حلو اوى وكل الى خوفك انك تندم لو قلتهوله ؟؟؟؟
طب انهى ندم هيبقى اقسى لو قلتله ومالقتش منه تجاوب ؟؟؟ ولا لو مقلتوش لحد مضاع من ايدك ؟؟؟؟
طب لو صارحته وخسرته بسبب مصارحتك دى هتندم انك صارحته؟؟
طب ولو حصل العكس وحد جه قالك انه بيحبك وانت مش حاسه هتندم عليه ؟؟؟
ولا هتندم انه حس بكدا تجاهك ؟؟؟؟
طب لو واحد حبك هتحس انك سبب فى كدا وهتندم انه وصلته لكدا ؟؟؟
طب كام غلط بنندم عليه ؟؟؟؟ واذا كنا بنندم بنغلط تانى ليه ؟؟؟
طب هوه الندم ده فايدته اصلا ايه ؟؟؟؟؟
والندم بيغير من طباعنا ولا هوه بساعدنا اصلا بأيه ؟؟
طب هوه حاجه ايجابيه لازم نحساها اما نغلط ولا سلبيه بنحسها من باب الاحساس بذنب غالبا بنكرره تانى او بيكرر تانى ؟؟؟
" انا بقى حكايتى طويله مع الندم ،طول عمرى بغلط زى كل الناس واما يجى الندم يهاجمنى ويقلى لازم تستخدمنى اتحداه اقوله اه انا غلطت واه اتسرعت بس اكيد اتعلمت فمتفرضش سيطرتك عليا وتعيشنى فى دنيا سرمديه من الاحسيس الا منتهييه " دى فى غلطاتى العاديه :) وبحاول اتعلم من اخطائي دى عشان مسمحلوش يرجع ويحاول يفرض سيطرته عليا :)
"لكن علاقتى بيه فى الغلطات العاطفيه علاقه اكثر من سطحيه ، اصلى فى الحب بفكر بطريقه شوية اجابيه :) حتى لو بائت بالفشل ودى حاجه معايا منطقيه :) اصلى مش لازم معنى انى بفكر بأيجابيه يبقى النتجيه تبقى مصلحتى ميه ميه...
كفايه انى بقول احساسي بمنتهى الصدق والايجابيه حتى لو مالقتش استحسان عند الطرف الاخر بيكفينى ان عبرت عن مشاعرى بأنسانيه ومسمحتش للندم انه يخلنى رجعيه ، ولا انى اديله حجم اكبر من حجمه فى حياتى واكتشفت كمان ان مش حمل قسوة احساسى بيه وانا كاتمه جوايا احساس حلو ، والندم الحقيقى انى اعمل حاجه فى صحيفه اعمالى مستحيل تبقى ممحيه ....
وبجد انا مش مؤمنه غير بنوع ده بس من الندم ....
لانى مبحبش اعيشه بسودويه ولانى مبحبهاش برده تهرب من بين اديه ......

دح دح وكخ كخ

كل يوم بقابل نفس المشكله .. بس من وقت لاخر بتاخد تفاصيل مختلفه ؟؟
اصلها مشكله منتشره اوى عند البنات "كأنها فره يا جماع الحقونا " ونادره جدا عند الولاد بس بتحصل يعنى "ولاد المحظوظه نفس اعرف نوع المضاد الحيوي الى بياخدوه"
المهم بقى المشكله دي عباره ايه ؟؟؟
"الحب دح دح والهجر كخ كخ "
الفكره العظيمه فى المشكله دي غير انى مش فاهمه يعنى ايه د ح و لا يعنى ايه كخ !! اننا احيانا بنتخبط فى حياتنا بنوع غريب اوى من العلاقات نقابل ناس ونتعرف عليهم ونتعلق بيهم ومع الوقت نحبهم ، وهما طبعا بيكونوا واخدين وشايفين الى بيحصلنا وهما مبسوطين ومستمتعين وبيرضربوا على وتيره الامل من تحت الحزام :) يعنى من غير ميقولوا انهم واخدين بالهم من احساسنا ده وطبعا كلكم معايا اننا لازم تيجى اللحظه الجليه للاعتراف بالمشاعر الجامده جدا الى جوانا دى على اساسا طبعا انا متخيلين ان ترحابهم بأاحساسنا هيكون مؤكد وهنا بقى بيختلف رد الفعل كالعاده على حسب الجنس الى اودامنا :)
* ليدي فرست طبعا يعنى لو واحد حبوب راح قال لى بنوته لطيفه انا بالنسبالك ايه او بصراحه انا معجب بيكى بس كنت مستنى الوقت المناسب ؟؟؟
بيكون الرد حاجه من الاتنين 1- انت عارف انى طول عمرى بعتبرك زى اخويا وانى عمرى مفكرت فى حاجه زى كدا :) "ملاك ملاك يعنى قالى يعنى مكانتش كل متجى تدخل الحمام بتحسسه انه لازم يديها اذنه عشان هى من غيره ممكن تفضل ..... ماعلينا" وتتبتدى فى كل كلمه والتانيه تتكا على كلمة احنا اخوات واحنا صحاب وانا اختك والاى كلام ده ...
2- بتكون برده بتاخد اذنه فى رنته موبيل جنابها ومحسساها ان هوه الى بيحددلها مصريها والكول تون بتاعتها هيهيهيهي واول ميجى يفاتحها فى الموضوع ده تتفاجأ بالى بقوله وكأن الشر بره وبيعيد بيقولها انها اتعديت بألفلونزا الطيور وتقله : هوه انا ايه الى عملته فهمك كدا انا كنت واضحه وصريحه معاك :( وتبتدى اغنيه الست سميره ام سعيد ( مخلتكش تحبنى وادى انت شفت انا كنت ببعد اد ايه ولا يوم ضعفت .... لا بنا حلم ولا بينا حب ...)
* جنتل مان :) الواحده فينا اول متعجب بواحد تتبتدى مرحله التضحيه والتفانى والاخلاص والاهتمام و.... و..... و.... وهوه شايف ده طبعا ومبسوط وتيجى الغلبانه يا ولاداه تقوله انا فى سؤال محيرنى هوه انا بالنسبالك ايه ؟؟؟
وهنا الكارثه والمره دي فى نقط كتير طول عمرو ك مشرفني يا رجاله ههههههههههه !!!
- واحد بقى يبقى رده لطيف ويقلها خلينا صحاب احسن انا مش مستعد دلوقتى للدخول فى اى علاقه اصلى عندى باد هستورى هيهيهي اى كلام والله وقال يعنى جنابه هوه كمان مكانش واخد باله وهي كل يوم قبل متقفل وبتقلوه خد بالك من نفسك على رأى واحد صاحبي ويقولها اكيد يا قمر هنزل السلم براحه :) وكل ما موبيلها يرن يقلها مين وليه وازاى واشمعنى :) ده على اساس الصداقه .....
- حد بقى يبقى اكتر لطف ويقلها صدقنى أ نتى فيكى الى يتمناه اى حد بس انا مش الحد ده انا بجد اتمنالك حد احسن منى لاء اصيل اصيل برده قال يعنى اما بلبع ابن خالتها اما جه يتقدملها مقلهاش ايه ده اخرتها تخدى ده يابنتى انت مستعجله على ايه انت لسه صغيره هههههههههههههه ....
- نوع بقى يبقى رده شيك اوى ويقلها خلينا صحاب ويسكت شوية وبعديها انا مش عايز اخسرك ويبتدى مرحلة التنفيض مريدش عليها يكلمها بغلاسه يبتدى يحكلها عن علاقاته ومغامراتها ومشاريعه المستقبليه :) وجنابه اما كانت تروح وتدهوش مسد كول كان يعملها مجنون :)
-النوع الاخير ولو انى متأكده ان الكلام ده مالوش اخر الناس بتبدع فيه اكتر من الفن السابع :) طب هوه فى فن تالت ماعلينا اول متقوله الكلمتين اياهم دول يروح واخد بعضه على اقرب مطار فوق سطوح بيتهم طبعا ويروح مدور محرك الهلكوبتر الورق الى حيلته ويروح يشترى ورقه بسطه من بلاد ماوراء المتجمد يعنى صباح الفل بختصار يا روح مبعدك روح وادى وش الضيف :)
- رغم انى سوأ ولاد ولا بنات حلها بسيط الوضوح ياجماعه الوضوح يعنى نحدد علاقتنا بشكل اكتر جديه من غير فلسفه وكلام فارغ ونبقى فاهمين عقلية الى قدامنا عامله ازاى ونتعامل على اساسها كان فى فيلسوفه مش فاكره اسمها بتقول عشان تعرف تكسب جدال جادل الى ادامك بمنطقه ، والعلاقات بمختلف انواعها اكبر انواع الجدال اصل اذا كنا احنا الى بنحب ومبيستجبش لي حبنا فيبقى احنا الى عملنا فى نفسنا كدا لان اننا اتسرعنا من غير منتأكد من الطرف الاخر حتى ولو كانت تصرفاته بتشير لي كدا فده مش مبرر اننا نلغي عقلنا ونجرى ورا مشاعرنا الطايشه ....
واذا كنا احنا الطرف التانى ده فلازم نكون واحنا بندى اى نوع من انواع المشاعر محددين اتجاهنا فين عند الى ادامنا ونوصله الكلام ده بالطريقه الى هوه يحب يفهمها بيها عشان منعش مطاردين بعقدة الذنب وسؤال النفس وده قاسى اوى ....
و ايه على رأي الشاعر العظيم الى قال " الحب دح دح والهجر كخ كخ برده مفهمتش معنى دح وكخ ؟؟؟؟ :) "

فكرت اغير وابقي....

نيا كانت تراب والحياه لونها اورنج وانا مش طايقه نفسي من الجو ده فقلت اقفل كل شبابيك اودتى واحاول اتناسى الجو ده وممدت على سريرى مبفكرش فى اى حاجه غير ان اخلص من احساسي بالجو ده وابتديت افكر فى الدنيا وحالها وكلام عشوائي كدا لهوه حلو ولا وحش وفجأة ظهرت لمبة انشتين فوق شباك سريري بفكره غريبه اوى قلت انا ليه مبقاش راجل ؟؟؟؟!!!!!!!!!
ايوه اعيش كانى ذكر ،ولد ، راجل ...... بكل تفاصيل الجنس الاخر يعنى اصحى الصبح اخد دش واحلق دقنى وانزل اركب عربتى او عربيت الشغل وامشى فى طريقى للشغلى وكأني راجل، واعمل كل حاجه بيعملها الراجل
اشرب سيجاره وانا ادام العماره وواقف مستنى عربية الشغل ادام اى حد وانا فى الطريق بقى اشوف مزه تعجبنى ابصلها وانا عينى هتطلع عليها واول متاخد بالها اروح ابصلها من فوق لتحت كانها نكره واستمتع بالطريق اتعامل واول موصل الشغل اروح قاعد على مكتبى ومصبح على ..... زملتى واقولها ايه الجمال ده مقدرش على كدا رغم انها فى الحقيقه شبة خليفه البواب بتاعنا بس الفكره انها حته طريه والواحد لازم يقلها كلمتين منها عشان احس بنظرات الاعجباب في عنيها ومنها عشان ابقى رفعت من روحها المعنويه ، واركز اوى طبعا فى شغلى بس ده لا يمنع من انى الغي فى دى وادردش مع دي ويعدى اليوم على كدا ارجع بقى البيت والاقى كل الى فى البيت بيتسابق فى تحضير الغدى ليا اصلى راجل شقيان اكل الغداء واريحلى ساعه واصحى اسمع كلمتين من الست الوالده اما انا بقى شفتلك بقى حته منام زى ميكون ماسك علبه فيها دبله دبله حاجه كدا ياحبيبى مش هتفرحنى بيك اصلى بصراحه بقى امبارح اتكلمت مع طنطك عنايات وسئلتها عن ....... بنت اختها بنت زى القمر واخلاق وادب وعمرها معرفت حد ولا ليها فى كلام البنات بتوع اليومين دول ايه رايك يا حبيبى اقولها ربنا يسهل يا ماما بعدين بعدين فى الوقت ده تكون اختى الصغيره معديه ادامي رايحه درسها اقولها تعالى هنا يا بت انتى ايه الى انتى لابساه ده وايه الى انتى حطاه فى وشك ده اجرى اغسلى وشك يابت ولمى نفسك ، رغم انى شايف انه مش كتير بس عشان نفسها متطاوعاش عشان تعمل اكتر من كدا وعشان احس انى ليا كلمتى فى البيت وانزل جري بقى الحق اقابل صاحبتى الى بقالى يجي كتير بحبها وماشي معاها بس مش عارف اذا كنت هتجوزها ولا لاء ، اصلى لغايه دلوقتى مش واثق
من اخلاقها ولا متاكد اذا كنت هخلصلها ولا لاء ولا هي تستحق ان اخلصلها ولا لاء زى ميكون الاخلاص ده فضل هتفضله عليها ، ونقعد فى المكان الجامد واخد بالى من كلامها انها بتلمح لموضوع الجواز زى كل مره اروح ماسك ايديها وقايلها بكل احساس " مش شرط طبعا يكون صادق " حبيبتى انتى عارف انتى ايه عندى متبقيش عبيطه ويلا عشان انا صحابى مستنينى على مروحك وارجعلهم .... وبعد مقلبها وطبعا طول منا راجع من معاها عمال اقول يخربيت زن امها مبتفهمش كل مره نفس الكلام واوصل على الرجاله وياسيدى على قاعدة الرجاله اشوف ملمومين على انهى قهوه ولا على انهى كشك واروحلهم ونبتدي مشاركة الشيطان فى الاعمال الجهنمية لو فى مزه نقرف الى جابوها ولو فى سيجاره حتى لو مشربتهاش معاهم اشطى نخليهم يستمتعوا بيها ونرغى ونضحك ونروح نتعشى من عند اى حد والساعه تيجى 2 وانا لسه بكروز مع العيال والحياه مفيهاش اى مشاكل وطبعا خلال الكام ساعه دول تكون كل واحده من الى انا اعرفهم كلمتنى يجى كام مره وقلتها والله وحشتنى وبجد كنت لسه هكلمك وانا اصلا ممكن ميكونش عندي رصيد واقولها اول مروح هكلمك وطبعا احلق للى جبوها عشان فى الاخر هتجوز بنت اخت طنط عنايات الى ماما واثقه فى اخلاقها اصل البنات فى الزمن ده بقوا حاجه ميعلم بيها الا ربنا وعايزين الحرق طبعا الفكره دى بتكون بتدور فى دماغى وانا طالع على سريري عشان اسلم نمر واريح الكام ساعه عشان بكره يوم طويل مليان نفس الحاجات بتاعت امبارح .....
وده لايمنع ان فى الويك اند اروح انا والعيال العين السخنه ولا الساحل واشطى اهى ماشية ......
بصراحه حسيت نفسي بعطس وفوق لقيت نفسي بقول لاء انا كدا زى الفل اوى اني مش راجل بس ياترى لو فيهم واحد فكر يتقمص بنت هيفكره هوه هيعمل ايه ؟؟؟؟ وهيشوف ايه ؟؟؟؟؟؟
حلوه اوى فكره اننا نبدل بس طالما انها لم تتعدى حيز التفكير والتخيل !!!!!!!!!

الى بيخاف يطلع بره...

احم احم الخوف ايوان هوه الخوف الاحساس الغريب ده الى دايما بيكون جوانا وملازمنا واحنا بنعمل نفسنا احيانا كتير مش شايفينه ولا حاسين بيه !!!!!!
قالوا عليه غريزه طبيعيه بتصاحب كل الكائنات الحية !!!!
وقالوا عليه درجات وانواع وبتاع وحركات اصلنا نموت فى الفتي والفلسفه عى نفسنا ...
لكن انا بقى ليا رأئ تانى خالص عنه ان رغم اختلاف انواع المخاوف الا ان الاحساس بيه واحد عند كل البشر
يعنى الى بيخاف من الضلمة زى الى بيخاف من الاسد زى الى بيخاف من المستقبل زى الى بيخاف من مراته والى بتخاف من الحشرات :) "انا هههههه"
المهم ان القاسم مبين الحاجات دى كلها حاجه واحده بس هوه الخوف ...
الغريب بقى ان ان انواع الخوف دى بتتطور مع مراحل عمر الانسان وان الخوف ده ثقافه بنقولهالنا عبر الاجيال ...
يعنى واحنا صغيرين كانوا بيخوفنا من اودت الفئران ،واما كبرنا شويه وعرفنا ان مفيش اودت فئران خوفنا نمشى لوحدنا فى الشارع فنتوه عشان احنا صغيرين وفجأه قسموا المخاوف مبين ولاد وبنات حتى الخوف فيه تفرقه عنصريه عععععععععععع ياعالم ارحمونا بقى المهم كبرنا كلنا وكل واحد فينا عنده الف حاجه وحاجه بيخاف منها وده فرض مش اختيار اصل هما علمونا وحفظونا اننا لازم نخاف وخلاص ...... الايام دى بقى فى خوف من نوع غريب انا مش عارفه اذا كان طبيعى ولا لاء بصراحه ؟؟؟ الخوف من الحب والعلاقات والحركات ..... يعنى عالم البنات طبعا ليديز فيرست ياحبايبى طبعا ولان هما ياحرام .....الى بيخافوا والى بيتخاف عليهم "اسم الله" فى الى بتخاف متلاقيش حد يحبها وان لقيت تخاف متكملش معاه وان كملت تخاف ميتجوزوش وان اتجوزته تخاف ميخلفوش وان خلفوا تخاف العيال يطلعوا صيع وميكملوش تعليم قال الى اتعلموا عملوا ايه اصلا....
وفى الى مبتفكرش فى الحب بس طول الوقت خايفه تعنس كل شغها الشاغل ازاى تواجه شبح العنوسه ده وازاى تحافظ على نفسها منه طبعا بتستخدم خطه نابليون ومادونا لاصطياد العرسان عشان تأمن نفسها ويناس سامحوها اصلها خايفه تعنس ؟؟؟
وفى بنات رمانسيه وهبله ودول بيغظونى اوى بيبقى كل خوفها انها متتقدرش من الى بتحبه او انها متعرفش تسعده !! ياعينى ياختي مهوا الرك على اختيارك لو واحد عنده دم عمرك مهتخافي ميقدركيش شوف ازاى بنات مايصه صحيح!!!
طبعا ده غير الخوف من عدم الرشاقه او تغير لون البشره فى الصيف ؟؟؟
هاي جايز الولاد بقى ياسيدى على مخاوفهم :) الولد طول الوقت خايف من حاجه واحده غالبا يعنى مش دايما خايف يفقد اعز مايملك الا وهي حريته ودى بيفقدها طبعا اذا حب او ارتبط او دخل فى علاقه عموما ... اصلى مفهوم العلاقه عنده مرتبط بسلب الحريه نفسي افهم ليه كدا ؟؟؟
طبعا ده ميمنعش ان فى ولاد بتخاف من القطط والحشرات بشر يعنى زينا لكن يخاف اكتر انه يحب او يرتبط عشان عضه الكلب ولا مكالمة حبيبته او طلبات خطيبته :)
المهم ان الخوف من العلاقات بختلاف اشكالها وانواعها اصبح فوبيا عن معظم افراد جيل كامل !!!
والنوع ده من الخوف بيدفعنا لاننا نأمن نفسنا بأشكال كتيره من السلبيات يعنى من الاخر اصبح خوفنا ده مبرر لسلبيات الى بنتعامل بيها فى العلاقات ،ومخدناش بالنا ان الى بيخاف من العفريت بيطلعله ،،، يعنى كل واحد مننا جواه خوف من حاجه لازم الى بيخاف منه يحصله، انا شخصيا بخاف من حاجات كتييير اوى فى حياتى واكتر منها فى العلاقات ودايما بقول لى نفسي ان الى بيخاف يطلع بره :)
بس الاكيد انى اما بواجه احد مخاوفى ده ببقى مرعوبه بس اما بتخطاه بحس انى كنت عبيطه اوى ان خفت كل ده
وانى لو كنت متأكده انه هيعدى مهما كان مكنتش خفت طب على ايه محنا نحاول نواجه مخاوفنا عشان نزود معدل اجابيتنا فى التعامل ...
وبرده الى بيخاف يطلع بره ..

انا ومعتز

امبارح كنت فى مشوار انا وواحده صاحبتى واحنا فى الطريق للمشوار ده وقفنا انا وهيه ادام كام محل كدا عشان هي كانت عايزه تشتري كارت لموبيلها المهم هي نزلت تشترى الكارت وانا مستنياها فى العربية جمب محل الكروت كان فى مطعم فول وطعمية لفت انتباهي فيه منظر مبقاش غريب فى زمنا ده منظر راجل طول بعرض بكرش ماسك طفل موصلش لركبته بيضربه او بزقه بعنف والراجل ده كان شايل الولد من كتفه
كأنة كيس عيش ورماه فى الشارع جمب العربيه عندنا بالظبط بصراحه انا الاول افتكرته ابنه وغلط وفى اهالى عندها عقد انسانية كدا بتحاسب وتعاقب اولادها فى عامة الطريق :( انا طبعا اتحرجت اتدخل بين الاب وابنه فى اعتقادي يعنى انه ابنه عشان هسمعلى كام كلمه كده موز يثبتوني و يعرفونى انى مش من حقى ادخل ...
بس بعد ما الراجل رمى الولد ومشى انا ندهة عليه وخصوصا انه كان قريب اوى من العربية ودار مبنا اكتر حوار فجأني فى الفترة الاخيرة ....
ندهت عليه وسئلته : انت اسمك ايه ؟؟
جاوبنى : معتز !
قلتله طب هوه باباك بيزعقلك اوى وبضربك فى الشارع كدا ليه يا معتز ؟؟
رد وقالى : لاء ده مش بابا ده واحد انا معرفوش !!
طبعا انا استغربت جدا خصوصا ان معتز ده مش من اطفال الشوارع مثلا الى بلاقوا العنف من اصحاب المحلات والكلام ده معتز طفل لابس كويس ونضيف !!!
هنا طبعا سئلته طب هوه عمل معاك كدا ليه ؟؟؟
جاوبنى بمنتهى الصراحة والامانه وقالى : عشان انا كنت بتخانق مع ولد فى المحل عندهم وبضربه عشان الولد ده حرامي ابن حرامي !!!
انا ابتديت احس انى مش فاهمه حاجه طبعا ؟؟؟ فقررت انى استفسر اكتر فقلتله معتز هوه انت ليه مش فى المدرسه دلوقتى وخصوصا ان الكلام ده كان فى معاد المدارس.
لقيته بيقلى لاء النهارده انا معنديش مدرسه انا النهارده عندش شغل اصلى بشتغل فى ورشه المفاتيح الى هناك دى وشاورلى عليها بشتغل بفك فرش العربيات وبشيل حاجات فى الورشة وبنضفها ....
قلتله هوه انت كام سنه قالى بمنتهى الفخر وعزة النفس انا كبير انا عندى 6 سنين ...
فنا ابتديت اسئله الاسئله المنطقيه حولين ظروفه ليه وبابا وماما فين وكام اخ واخت وكدا يعنى ؟؟؟
جاوبنى اجابة احرجتنى اوى من نفسى الصراحه
قالئ لاءلاء مش زى منتى فاهمه انا بشتغل مع بابايا فى ورشته يوم واحد فى الاسبوع وبخد مرتب كويس على كدا وبابا وماما عيشين معايا وبروح المدرسة بقيت الاسبوع:|
قلتله طيب انت ليه وشك طول منتا بتكلمنى مكشر كدا هوه انت مدايق اوى عشان الراجل الى ضربك ده ؟؟؟
معتز: لاء انا مش مدايق بس انا بتكلم معاكى فى كلام جد وكمان الراجل ده حيوان عشان يتشطر على واحد اقصر واصغر منه وانا اما اكبر وابقى راجل قوى عمرى مهضرب حد صغير حتى لو عمل حاجه غلط ....
قى الوقت ده كانت صاحبتى رجعت وسلمت عليه وسمعت جزء من كلامه بس هيه من كتر التعجب مكانتش عارفه تقول اى حاجه !!!
انا قلت اسئلة اخر سؤال هوه انت ليه بتقول على الولد الى كنت بتضربه فى المحل ان حرامي ابن حرامي قالى عشان سرق منى لعبتى وباباه كل الناس عارفه انه حرامي وكمان ابنه بسرق منه ....
طبعت انا قلتله لاء يا حبيبى انت مدام مشفتوش متقولش عليه كدا واذا كان سرق منك لعبتك قول لباباك او لحد كبير يجيبهالك ويقول لباباه ....
قاطعنى بأجابة وقفت الكلام على لسانى وقالى يا طنط الى ناس تقول عليه حرامي يبقى اكيد حرامي وده فعلا سرق منى اللعبه بتاعتى وانا لو قلت لحد محدش هريجعلى حقى فانا لازم اخد حقى بأيدى ....
فجأة صاحبتى طلعت من شنطتها 5 جنية وطلبت منه يجبلنا ازازه ميه من الكشك الى ورا العربية واما رجعت وادانى ازازة الميه والباقى عرضت عليه يجيبله حاجه ساقعه واديته جنيه واحد بصلى ببراءة مليانه كبرياء وقالى لاء انا مش عاوز قلته طب هاتلك حاجه حلوه احنا مش صحاب خلنى اعزمك رفض بأصرار وقالى ابقوا تعالوا عندى الورشه لو عايزين حاجه وانا هكرمك وساعتها انا الى هعزمك انتى وصاحبتك على حاجه ساقعه اصلى الراجل هوه الى يجيب من البنت :) بس ممكن اطلب منك طلب ابقى تعالى اول الشهر عشان اعرف اعزمكم براحتى :) وسلم علينا وطلع يجرى على ورشة باباه .....
ووقفت انا وصاحبتى لمدة 3 دقايق فى منتهى البلاهه وكل واحده فينا من جواها بتقارن الرجاله الى تعاملت معاهم فى حياتها برجولة معتز المبكره وطبعا كنا مكسفين نقول لبعض الكلام ده
بس كنا مقتنعين اننا بنفكر نفس الفكرة :(
تفتكري كام واحد كبير عنده مبادئ معتز الكتير اوى ....
انا متأكده انه مش كتير فى زمنا وجلنا ده ......
مع الاعتزار لكل اشباه الرجال ........

هوه مين الى عايز الحرق الرجاله ولا البنات ؟؟؟

بصوا بقى يا جماعه انا فكرت وقلت لازم اتكلم بقى انا كدا هطق ومش عارف اتنفس عندى اسئله محيرانى وملخبطانى اوى وضرورى اعرف اخرتها ايه مع الناس دى
بقى !!
مثلا يعنى هوه فعلا الرجاله ماتوا فى الحرب طب الى احنا عايشين معاهم دول يطلعوا ايه انشاءالله،معلش احنا بسنتفسر بس ؟؟
طب هوه الرجاله دول هما الى بيجرحوا البنات دايما ودايما هما الظلمه ؟؟
وهوه صحيح كلنا بنات وولاد فاهمين الفرق مبين ذكور ورجال ؟؟
طب ليه مبندورش على الفرق مبين اناث ونساء ؟؟
طب ليه الرجاله بتقول الى خارب البلددىالستات والبنات ؟؟
وليه البنات والستات دايما بيدعوا على الرجاله ويقوا كلهم صنف واحد ؟؟
وليه دايما نسمع امهاتنا بتقول ضل راجل ولا ضل حيطه ؟؟
ومبقلوش لخواتنا الولاد ضل ست ولا رجل الكنبه؟؟
والراجل دايما مبيعبوش شكله ولا لبسه ولا ....الخ ويقولنا متبصيش للمظهر بصلى للجوهر ؟؟
والراجل يقول لاء دى تخينه ولا مش محجبه ولا العكس وممكن مثلا يعترض عشان مش حاطه فرنيش مانكير فى ضوافرها اخبار الجوهر بنسالهم ايه ؟؟
ليه الراجل الى بشتم اخص لسانه طويل بس اشطى؟؟
اما الى البنت الى بشتم فدى بنت ......تييييت؟؟؟
وليه الراجل بتاع البنات يبقى فخور اوى بمغامراته وبسمكه وزعانفها ؟؟ والحاجه مامته تمشى تقول ابنى واد ميتعيبش ؟؟
والبنت الى تتعرف انا حبت ولا ارتبطت باكتر من واحد دى صايعه وبتاعت ولاد ؟؟ والجوازه دى لا يمكن تتم ؟؟
ولا هوه المجتمع ذكورى ولا البنات والستات هى الى مشياه ؟؟
وهما كل المجتمع ولا احنا ملينا البلد ؟
طب ليه البنت الى بتتصرف غلط سيرتها بتبقى على كل لسان؟
والراجل الى بتصرف غلط بيس يامان اديه بيتعلم وبيدوس فى الدنيا؟؟
وليه الامثال اغلبها عن البنات "يامخلفه البنات ياشايله الهم للممات " واهلك يحبوكى غنيه وجوزك يحبك عفيه" (ربنا يخلهالى جدتى مشبعانى امثال)* وهما الى مافى مثل اتقال عليهم غير طبعا المثل الشهير بتاع الميه والغربال؟
وليه الراجل من حقه انه يبقاله صديقه بعد الجواز ويفتح حسه ويقول دى انتمتى ؟؟
وهى اول متخطب تحلق حتى لابن خالتها وتغير رقم تليفونها والا جنابه يقفش ؟؟
وليه بقى البنات تقعد تدعى وتجهز عشان تتجوز وهى رايحه فرح تتفضل تلبس وتحط فى ميك أب عشان واحد يطس فى نظره ويتجوزها ؟؟
وهما يقعدوا يقولوا بلا جواز بلا قرف ؟؟
والبنات اما واحده فيهم ترتبط صحباتها يقولوها ها هيتقدم امتى ؟؟
والولاد اما صاحبهم يرتبط يقولوا اهم حاجه انك تكون فهمتها انك مش بتاع جواز ؟؟
والبنات تتجمع تقعد تحط فى خطط عشان يرجعوا حبيب صاحبتهم ولا خطيبها اذا سابها ؟
والولاد لو واحد فركش ياعم كفاره اقطع معها بقى وفكك؟؟
طب هما كلهم ليه غيرانين ومش طايقين مهند "رغم انى انا معهاهم اوى فى دي"؟؟
واحنا بنموت فى نور وبنقول يا بختها"وانا مبطقهاش هى التانيه"؟؟
طب هوه ليه الراجل المصري الوحيد الى بيصرخ باعلى صوته ويقول جرا ايه ياهانم انا راجل ؟؟ هوه احنا قلنا انك حاجه تانيه لا سمح الله ؟؟
طب تفتكروا الفرخه الاول ولا البيبضه ؟؟
هما الى بيصطادونا ولا احنا الى بصطادهم ؟؟
الى عنده كله بنت حلال يسمعهالنا وسمعنى اغنيه " جدعان طيبين وبقلب ابيض كبير "

هوه انا ليه مش عارفه اعمل كدا ؟:( !!!

كدا ده الى هوه احب فى قصة حب ؟؟ طبعا السكيين هتسن عليا عشان انا لسانى طويل اساسا ومحدش هيعجبه كلامي بس ابدا عليا وعلى اعدائي واهي خربانه خربانه مبدأ همجي صحيح بس بيريح احيانا
نبتدي من هنا بقى الحكاية !!
لسانى الى عايز قطعه في رأي رجاله كتير رررررررر اوى هوضح اكتر انا حد عادي اى اوى فى المقومات العادي اوي للقبول والحمدلله ليا قبول وشعبية واستلطاف من ناس كتير بس الفكرة بقى مش فى الى هما بيستلطفوني في اللى ان بستلطفهوم في البدايه طول مهوه سعادة البية ايان يكن يعنى شايفنى بنت او انثى بس بتبقى الحياة فله والى يشوف من بعيد يتخيل انها هتمشي زبده هيهيهيهي اول مزي البشر يعنى ندخل على مرحلة التفاهم الانساني تحصل الكارثه انا بمنتهى البساطه والتلقائية بتعامل على اني انسان وهوه بمنتهى البجاحه والعنجهيه يتعامل معايا على اني انثى يعنى نجم النجم و فتى الشاشة عايز ني امثل اصل الصراحة والوضوح مبتكلش معاهم انت صريحه يبقى انتى بجحه يعنى ابقى فاهمه وعارفه كل الى بيدور حوليا واجي ادام جنابه وامثل الغباء يعنى يبقى عندي حجه ومنطق يستحق الاحترام واجي ادام منطقه ومنطقى يتحول لكيس شيبسي بالجبنه المتبله يعنى مجرد متناقش معاه ويحس انى فاهمه وان دماغي شغاله ابقى بنت مش سهله ويتخاف مني يعنى انا اعرف اواجه واتصرف ابقى قويه ومستقويه والمركب الى فيها 2 مركبيه تخيش ولامؤخذه يعني اني يبقى لي فكر وموقف فى الحياة ابقى متمرده وماليش كاسر يعنى تبقى اليله سودا ومنقطة بكحلى غامق اما تقرري انك تمشى العلاقه بشكل الى الطبيعي قبل هوه ميقرر ده ده اذا فرضنا انه في دماغة يعنى :) وكله كوم بقى واما اعترض على تصرف ولا حاجه حصلة تبقى النكدية الغبيه الى غاويه وجع دماغ وي ميكون جنابه الى وصل الموقف لي كدا عادى جدا ولا الهوى ...
ده غير ان مفيش حاجه بتعجب انتى تقلت ونفضت ابقى بمثل وبعيش فى الدور ويبقى عامل زى الفرخه بيلف حوليكي عشان يوصل انك تهتمي بيه واما تهتمى وتسئلى يبقى ييييييييييه عادي بقى اهي مرميه وموجوده وغالبا بتتحول لي الزنانه المزعجه انى قدرتى ظروف شغله وارتبطاته تبقى متابعه ومركزه عشان توصلى لحاجه وان نفضتى وكبرتى معندكيش دم ومش فدماغك اساسا بقى ان بقيتى واضحه وصريحه تبقى بحجه وانى بقى سوسه تبقى لئيمه ومش سهله ،طب حلها ايه بقى ؟؟؟
هوه عشان اعرف احب واتحب لازم ابقى منافقه وممثلة وافاقه !!
عشان اتقدر ودماغي تحترام لازم اتحايل وادعي عشان اوصل للى هدفي ده ؟؟
يعنى الى يحترم نفسه فى البلد دي يخد فوق دماغه وانا المفروض عليا انا والبنات الى زي ندفع تمن عقدات ذكورية وافكار مسممه !!
وفوق كل ده ادفع تمن تجارب جنابه السيئة ؟؟ يعنى لو كان حب واتخان احلف على الولاء والطاعه ولا اتصدق لو كان حب واترفض لو غنيت انت عمرى في طلعت كل صبح يتقال انا ايه الى يضمنلى !!!
ودايما عنده في حياته نموذج لبنت حبها اوى واتعلق بيها اوى واديته فوق دماغة اوي وهي دي الى بيعش عمره كله معلمه فيه اوى وعادة يعنى بتبقى من النوع الردئ اوى من البشر . ياناس انا تعبت نفسى اتكلم عن حاجه عدله نفسي اكتب عن حاجه تدعوا للتفائل مع الجنس ده نفسي الغي من البطاقه كلمة جنس وتبقى عامه بشر انا تعبت من كتر العنصريه ليه بنتعامل ان ده راجل ودي ست ليه منتعاملش على اننا انسان مساحة الاحترام هتزيد والتفاهم هتبقى لغتنا الام في العلاقات نفسي ادخل مكان فيه مجتمع بنات وستات ومسمعش شكوى عن كلهم منهم لله وعايزين الحرق وادخل في جدال مع راجل وميقولش نفس الكلمة عن الستات والبنات
انا احيانا بحس اننا رجعنا لى عصر الجاهلية فى التفكير وارجوكم محدش يقولى المساواة والكلام الخربان ده انا مبتكلمش فى مسواة انا بتكلم في انسانية وتقبل الاطراف لي بعضها انا بقيت بستغرب هوه احنا ليه كدا نفسى اما نلقي حد فينا جاى يتكلم بصراحه عن مشاعره لو مش هنتقبلها منجرحوش نفسي اما نتواجه منغلطش ومنجرحش ؛ واكيد اما ده يبتدى ونفهم يعنى ايه تقبل الاخر انا هعرف احب واتحب :) اكيد طبعا الكلام ده كمان 100سنه بس انا لسه عندي امل:)
وسمعوني سلام ان مكنتش انت تدلعنى مين هيدلعنى صباحكوا فل ونهاركوا ابيض الحق بقى استعد للمكروباز بتاعي :)
*الى ناوي يزعل من وجهة نظرى هوه حر او حره بس ساعتها يبقى عامل زى الحكومة المصريه وطبعا مش انا الى هقولكم يعنى ايه ديكتاتورية الحكومه المصريه :)يييييه قصدى ديمقراطية الحكومة المصريه
. agine سمعونى سلام ان مكنتش انت تدلعنى مين هيدلعنى :):):)

مش فاهمة ....

كتير اوى كنت بضحك على نفسى واقول انى ناصحة وانى فاهماه وكل مره كنت بقولى ياسمسمه هوه ده الى انت بتدورى علية ههههههههه وطبعا يطلع مش هوه الى انا بدور عليه وابتدى سلسلة الالم ووجع الدماغ وانا بقى عندى مشكله خطيره انى بترجم ان الوجع فى الحدوته لازم يتواجه منى بتحمل وتضحية
ده تفسيري للوجع والالم فى الحدوته ولانى فى الحقيقه مش فاهماه ودايما بعيشة بأحساس المتوحد الى مهما اتشرحله واتوضحله فاهمه بفطرته بس ومشنفعش بأي شكل تانى انه يفهمه بتقالى كتير عنه وكل واحد يوصفهولى ويشرحولى بشكل غير التانى بس انا مش عارفه غير كدا المه احلى مافيه عندى ولوعته تخلنى دايبه وولهانه وقسوته تخلنى حيرانه وتضحيتى وتفانيى منتهى العطاء عندى واقل حق ممكن اقدمه بس الغريب بقى اما تيجى المفجأء واطلع مش مفهومه واطمع شريكى فى الحدوته فيا ويبقى طول الوقت عشمان انى جدعه والطبعى عندى انى افوت واضحى واعدى اصلى من الناس الى بتقدم حسن النية ودايما تيجى النهاية ضدى عشان انا فاكره نفسى فهماه وعرفاه ،وابتدى بقى رحلت تأنيب الضمير هوه انا الى صح ولا غلط ؟؟؟
والكلام الى مش محتاج انى اقوله لحد ده لانها كلها اسئلة بتدور جوا كيان متوحد الى حسباته مستحيل تتغير حتى لو مر بالف تجربه لانه واثق من شئ واحد بس ان فطرته هيا الصح وان اكيد هيلاقى حد يفهمه وحتى لو ملقاش هيكتفى انه انه مؤمن اوى بنفسة ،
وخلاص كنت راضية ومقتنعه بكدا لغاية مفجأة اتكشفت عن نفسى اكتشاف عمرى متخيلت انى اوصله بقيت خايفه ؟؟
وخوفى ده حولنى لسنجاب وسنجاب خصوصا عن اى كائن تانى يبقى جعان ويجرى فى كل حته يدور على الجوزه الى هيشبع بيها وأول
ميلاقيها ويمسكها عشان يرجع بيها لى جحره يبقى طول الطريق بيتلفت حوليه وعنية فى وسط راسه وممكن خلاص وهوه على باب جحره لو اشتد بيه القلق والخوف يرميها ويجرى ويقفل جحره علية ويقعد يترعش من الرعب
انا بقيت زى السنجاب ده خايفه لاء وايه السنجاب اجدع منى اهوه بيحاول لحد متصيب انا بقيت من كتر الخوف قاعده فى الجحر ورافضه اى محاوله ؟؟
بس هوه ده فى صالح مين ؟؟؟
احيانا بستخسر نفسى والى جوايا ان محدش يفهمه
واحيانا بستخسر انه يكون لحد مش فاهمه
واتفجأء ان قريبين اوى مش فاهمين انى حقى اتوجع وحقى احس بده
بس اللفجر الفكره جوايا شبح من ايام فاتت الشبح ده اول مشميت طيفه قلت اه هي دى لحظة الى هثبت لنفسى ان التوحد فى الحب مش مرض ده اسمى انواع الحب ورغم انه شبح وانا عارفه انه مينفعش يرجع حياتنا
بس قلت اهوه يساعدنى على اثبات النظريه لقيت الشبح بيطلب منى انى اتنازل عن توحدى ده
هوه ميعرفش انه زود من توحدى ده وكونه تحول لى شبح خلانى سنجاب متوحد مع مشاعره
هوه هيلاقى نفسة فى عالم الاشباح !!!
انا بقى هلاقى نفسى فين !!!
ساعتها اتأكد انى عمرى مفهمت الحب ده وانه رغم انى عشته وعشته بجد اوى بس عمرى مفهمته ودى اقسى درجات العذاب ان تعيش حاجه اوى وتكتشف انك عمرك مفهمتها

انا ولا هي .....

فى يوم صحيت من النوم فى معادى بتاع كل يوم عشان اروح شغلى وروحت اغسل وشى وسنانى واتوضىء وانا برفع وشى فى المرايا بعد مغسلته اتخضيت خضه غريبه اوى ... لقيت واحده في نفس ملامحى وتعبيراتى و لونى ووشى فكرت للحظه اواجها ازاى انها سرقتنى لقيتها قبل مواجهها بتقلى متحاوليش مش هتعرفى ترجعيهم صرخت وقلتلها ليه قالتلى لانك انتى الى اديتهوملى بمزاجك وتنازلتلى عنهم كمان اتصدمت طبعا .... وقلتلها انى كدابه انا عمرى معمل كدا
وسئلتها وياترى اتنازلتلك عنهم مقابل ايه ؟؟؟؟
ضحكة ضحكة من الى بسموها صفراء دى وقالتى مقابل مقابل ايه دانا لسه ليا حق عندك ؟؟؟
قلتلها انتى مين وحكايتك ايه ؟؟؟؟
قالتلى انت مش عارفه انا مين ؟؟؟؟ قلتلها استنى افتكرتك ؟؟؟ انتى .............

سبقتنى وردت ايو انا ...........
انا الى بقالها سنين كتير موجعه معاكى ،فاكره فاكره اما حبيتى اوى وكنت عارفه انى الحب ده هيجرحك ورغم كدا غامرتى غامرتى على حساب مشاعرك واحاسسيك .....ورجعتى حبيتى واتجرحتى وبرده كنت عارفه انك هتتجرحى.......
فاكره اما صاحبتى ناس كتير اوى حبيتهم بجد واخلصتلهم بجد وفى الاخر هما كمان جرحوكي بجد !!!
وفاكره اما مشيتى فى طرق كتير فى وقت واحد وواتوهمتى انك هتعرفى تعدى فيهم فى وقت واحد برده .......
وفاكره اما تخيلتى ان انت خلاص كبرتى واجتازتى كل حاجه وان الحياة هتبتدى من هنا ومالقتيش حاجه تبتدئ بيها لان كل حاجه كانت خلصت .........
وانا ساكته ومستحمله وسيباكى تدوسى وتجرحى وتخبطى فيا هوه انا عشان نفسك تعذبنى معاكي ؟؟؟؟!!!!!
خلاص دلوقتى مبقتيش شايفانى ولا حسانى لانك من كتر الظلم نسيانى !!!!!!
بس لو عايزه تصالحنى حبينى وراضينى مبقولكيش كونى انانيه انا عايزاكى بس تكونى معايا بتتعاملى بأنسانيه ....
وافتكرى انك انتى الى فى ايدك تكونى ضحيه او تعيش حياتك وانت راضيه ومتهنيه !!!!!

ياترى قهوتك ايه ؟؟؟

كل واحد فينا بيحلم احلام كتيره ....
فى الى بيحلم بمركز محصلش ،وفى الى بيحلم بفلوس كتير وفى الى بيحلم بشهره حتى لو عن طريق خلف الاسوار ......... الخ
بس فى حلم كلنا بنحلم بيه حلم الحب الجميل :) قال يعنى بس المهم اننا بنحلم الحلم ده بختلاف تفاصيل كل واحد فينا ... بس الاحلام الماديه بنعمل فيها مجهود عشان نحققها او حتى نكسب شرف المحاوله .... لكن الحب اخباره معاكم ايه صحيح هوه احنا مبنعملش مجهود عشان نحب واحد بعينه لانه عامل زى القضى مبستأذنش عشان يجى ... لكن مابعد الحب او بمعنى اصح عشان الحب يستمر بنعمل ايه ....
البنات مثلا ...:) معلش يامزز انا هضطر اتكلم بصراحه ومحدش يزعل منى :)
*اول مبتحب واحد كل تفكيرها ازاى ميطرش من ايدها ولا يبص لغيرها فتتبتدى سلسله طويله من المطاردات والمتابعات ورحت فين وجيت منين وكلت ايه واحيانا بتوصل لى دخلت الحمام كام مره ..
والمفروض انها كدا بتحافظ على الحب ده وبتحافظ على حبيبها وتقف على الكلمه وممكن هوه ده اقصى تفكرها فى محافظتها على الحلم الجميل ده ؟؟؟
*وممكن طريقه تانيه خالص هنتجوز امتى فى اعتقادها ان الجواز دى الطريقه الوحيده للحفاظ على الحب ده رغم انهم بعد الجواز ممكن يلعنوا اليوم الى حبوا بعض فيه !!!
الولاد بقى ....:)
* اول مبحب واحده لو عنده نية الجواز واصل دى بقت نادره اوى :) بس ماعلينا اهم حاجه عنده ازاى يتاكد من اخلاقها رغم انه اما حبها مفكرش فى اخلاقها وياترى عرفت قبلى مين وعملت معاه ايه "وعلى فكره انا مبقللش من قيمة الاخلاق " انا بقلل من قيمة الاسلوب :) لا مؤخذه يعنى :) المهم يبتدى يفكر ازاى متكلمش غيره ولا تورب بره بلكونتهم غير بعد موافقته واول ميتأكد من اخلاقها يبتدى يلف على اخلاق الى حوليا طبعا البنات بس يعنى مامتها اختها صحباتها كل دول لازم اخلاقهم تبقى على هواه لانه متأكد انها ممكن يتأثر عليها وانا نوعا ما معاه فى كدا بس مش بالتحبيك ده يعنى ....
* اما بقى البرنس الى مش فى نيته الجواز ده بيبقى حدث ولا حرج عايز يعيش اللحظه ويقضيها خروج وحركات ولا مانع من شويه ........... سيب كل حد يفهمها على نيته دى.
المهم انها تريحه وترضيه ..... اصل كدا هوه بيحافظ على الحب ,ودى امثله اللمحافظه على الحب وتحقيق الحلم ....هيهيهي.
اصل كل واحد بيحب بطريقته وبحاول يحقق الحلم باسلوبه بس ياترى كام واحد فينا اقتنع ان اسلوبنا مش صح تماما ولا غلط تماما وحاول وكام واحد فينا اقتنع ان اسلوبه محتاج تعديل ؟؟؟
هوه صحيح كل واحد بشرب القهوه بمزاجه الخاص وصحيح فى ناس كتير بتشربها مظبوطه بس مش كلهم بشربوها مظبوطه ولو واحد اكتشف انه ممكن يتخن من كتر السكر الكتير هضطر يشربها مظبوطه ولا على الريحه ولا ياترى هسيب نفسه يتخن ؟؟؟؟
مش عارفه ؟؟؟
بس هوه انت ولا انتى بتحبى قهوتك ايه ؟؟؟ وليه ؟؟؟؟