وديني لأحرمهم من المصروف !!

سرحت من يومين كدا وتخيلت نفسي ام لطفلين مش اكتر اه حاكم انا احب تحديد النسل اوى خصوصا انى ابويا وامي ميعرفوش عنه كتير فكنا اسرة دوشه وصداع جدا بس اهي عزوة بردوا ... وقلت عيالي دى هربيهم ازاى تربية الاولاد دي في فتره من الفترات الحياتيه ليا كانت فوبيا مرعبة جدا ... اخاف اربي واد واتعب فى تربيته وفى الاخر يفرج الناس ملابسه الداخيله على انها موضة جدا زى المطرب الامور شعر الصدر حسين الى حلق شعر صدرة ، ولا البنت تلبسلي بنطلون بالبيسه وتحجج انه عملى وبسهل الحركات وغيره وغيره وغيره يااااااااااااه دانا شايله هم حاجات كتير فى الموضوع ده ... فقلت عيلى دول ولاد ... ودينى لاحرمهم من المصرف ....
استغربت اوى بقى اما كان كل الى شاغل بالى تربيتهم ونسيت مصريفهم ... صحيح العيالى دى هصرف عليها ازاى ؟؟؟؟
وقتها فى جزء مظلم اوى من خيالى خيلى نفسي قاعده وهما قلعدين ادامي وبيسئلوني بببرأة الطفوله ....
البنت : ماما ماما هي ايه اللحمة دي الى صاحبتى بتقلى عليها انها بتتاكل يعنى دي حاجه حلوة ولا وحشه يا ماما حلال ولا حرام ؟؟؟
انا وانا كلي ذهول من الصدمة معقوله البينت كبرة وبتسئل سؤال زي ده ؟؟؟
فرتبكت وطبعا واجب عليا افهما بدل متسمع معلومة غلط وساعتها تبقى مصيبه خصوصا انى معودهم انهم يصرحوني ويناقشونى فى اى حاجه بيعرفوها من بره ...
بردوا برتباك همستلها بصيلى يا حبيبة ماما انتى واخوكي انتوا كبيرتوا كفايه عشان احكيلكم عن اللحمة ...
صلوا على الى هيشفع فيكوا يا ولاد "علية افضل الصلاة والسلام"
اللحمه دى عباره عن كان حي من الثدييات وغالبا بيكون بشكل رسمى من تلات فئات :

1. خرفان
   
2. بقر وجاموس
   
3. معيز وتيوس
   
   . اما الانواع الغير رسميه فدى كانت على ايامنا كتير من قطط وكلاب وحمييير ياااااااااااه اما الشعب المصري ده الى لازم تكونوا فخورين انكم من افراده يا ما كل شويه حمير وعموما فى يوم من الايام هبقى حكيكم حكاية المواطن المصري مع الحمار ..
   
   المهم اللحمة دى كانت بتتاكل بس ده زماااااااان قبل انتوا ما تتولدوا بكتير وفي ناس للاسف واستغفر الله العظيم لسه بيكلوا مش عارفه ليه .. بتكون حمرا الاول وهى لسه نية وبعدين رمادي اما تتسلق واحيانا والعياذوا بالله كانت تتحمر او تتشوى فتبقى بني براون يعنى :)
   الاولاد فى بلاها يااااااااااااه للدرجه دى يا ماما ..
   المصيبه بقى يا ولاد انهم زمان كان ليهم طقوس غريبه وادينى انا الى بقولكم اهوه عشان متسمعوش من بره كان بيعملها مع حاجه نتيجه ثمره حمرا كدا تدعى الاوطه او الطماطم ... فيسبكوا بالصلصه فيبقى لونها مدى على محمر ، الاولاد ووشوششهم صفرا من الخضه كانهم بتفرجوا على فيلم رعب حقيقي والواد يروح مسحوب من لسانه ماما : هي ايه الاوطه دي يا ماما ثمرا عمله ازاااااى وبيعملوا بيها ايه ؟
   انا وخلاص بقى عرقي مرقي ووفي تقطع الكلمات وكل الى بيدور فى خيالى يا نهار اسود اه ده السؤال الى مكنتش عامله حسابه يعنى يسئلوا على اللحمه والطماطم فى يوم واحد وواجبي يحتم عليا كأم اجاوبهم اجابه متخدش حيائهم وتقنعهم عشان ميحاولوش يسئلوا من بره ... بس اجاوب ازاى على سؤال الطماطم الحمرا ده ؟؟؟
   قلت اراوغ شويه قلتله اما تكبر يا عيون ماما هتعرفها لوحدك !!!!
   قالى للدرجه دى يا ماما بس انا سمعت من واحد معايا فى الفصل انكوا كنتوا بتتطبخوا بيها وتحطوها على السلطه وحتى الناس الغلابه كانت بتبرد بيها طعم الجبنه القديمة ويلونوا بيها الفول اما يكونوا هيعملوه غدا فيبقى فول بالاوطه وانها كانت فى يوم من الايام الكيلوا ب 50 قرش اما هي كانت با الاهمية دى راحت فين وانتى يا ماما ليه مفكرتيش تشيللنا واحده ولا اتنين ندوقها بس انتوا ازاى كنتوا جيل انانى كدا ومدافعتوش عن حقوقنا !!!!!!! بحرج شديد جاوبته انت هتحاسبنى يا واد انت اوم انجر خش زنزانتك قصدى اودتك كتها داهيه الى عايزة خلف خلف يقصر العمر " نفسي ابقى ام اوى عشان اقول الكلام ده "
   وقمت مفزوعه من الحلو وبستغفر ربنا على الكابوس ده بس الى صبرني على الكابوس ده غير ان الاجيال الجايه هتحسبنا على حقهم الى بنهدره من دلوقتى ... ان ذكرى القوطه واللحمة هتفضل حيه ابد الدهر بس ايه ذكراهاااااااا بس :)