الاول وانا في الطريق ... شفت بنت راكنه كدا على عربيه وادامها شاب وهي ماسكاه هاتك يا يزعيق وشتمه وهوه يا ولداه عمال يقلها منا عشان بحبك خليتها تكلمك وهي تقله ميت مره اقلك متهملش كدا وكانها مامتك قفشته بيلعب في كبس الكهرباء والواد يعينى خلاص الدمعه هتفر من عينه ، " وانا في سري يا بنت الايه بتحرشي بمشاعره و بتستغلى حبه ليكي وماسحه بكرامته الارض كدا في قارعة التطريق رحي يا شيخه الهي تشكي فى حواجبك وفي حنجرتك ام صوت عالي دي " ده حصل في ثانيه وانا معديه من ادامهم وقلت عادي بتحصل.....
دخلت قعدت مع الاصحاب واحده صاحبتى وجوزها وابنها , وتانيه وخطيبها وواحد صاحبه وبنتين من صحباتنا ، وبصراحه كانت حاجه غريبه جدا ان المجوعه دي متجمعه مع بعض ، وانا كان بقالى كتير مشفتهمش ابتديت اركز ايه الى اتغير فيهم الغرب بالنسبالى كان خطيب صاحبتى وصاحبه ودول مهتمتش اني اعرف عنهم حاجه اكتر من ان صاحب خطيب صاحبتى ده كان رغاي وصوته عالى وده كان بفرض انى اعرفه مش اهتمام مني :)
الغريب بقى ان لاحظت ان كلهم طرأ عليهم تغير واحد انهم اصبحن واصبحوا و سامحنى يارب انى هقول الكلمة دي ياكسوفي يا كسوفي اصبحوا ..... مــ مـــ هقول هقول ايوه متحرشين ومتحرشات......
ابتدت بجوز صاحبتى ... هي قاعده عماله تسكت فى ابنها من شقاوته والباشا الامور اللذوذ عنيها مرحمتش بنت داخله او طالعه فى المكان :| انا قلت يمكن مش قصده بصيت لقيته لاء قصده وقصده والف مرة قصده :|||
بيتحرش بكرامتها بكرمتها قدام كل الى قاعدين طب اكمنها يعنى "حلوه اكمنها دي :))" مأمنالك وانا مؤمنه ان كلمة تحرش لازم لازق فيها خبط لازق كدا كلمة استغلال اصله مستغل ثقتها فيه ...شفتوا الهنا الى انا فيه ....
بس وانا اعتب عليه ليه اذا كمان هي بقت متحرشه محترفه قعدت جمبي وقربت ودنها مني وهاتك يا استجواب ايه بقى حكايتك مفيش حاجه جايه فى السكه فنا فى سماجه مبالغ فيها انشاء الله فى قرد براسين حاجه ايه يا .... ، هي بخبث وبتبصى ايه بقى بصت امين شرطه من في قسم الازبكيه ، الى هوه هتعترفي يعنى هتعترفي الانكار مش هينفعك ...
واحنا اتفقنا ان تحرش لازم وراها ايه استغلال بس فى في حالات بنغير القاعده دي وبيبقى فى حاجه تانيه اسمها ضغط :) وهي ابتدت يا حبيتى انا خايفه عليكى انى كلها سنتين ثلاثه وتبقى ३० سنه طب وبعدين هتعنسي لازم يبقالك بيت وزوج واسره زي وزي كل صاحبتنا ، غصب عني اما قالت زوج زي جوزي دي انا كنت في كريزة ضحك منقطع الانفاس :)))) ونعم الزوج الحقيقه ....
صاحبتى بقى وخطيبها كانوا فى ملكوت تانى خالص الناس الى فرحانه بأيامها الحلوه دي بس على مين فى متحرشتان طعمتان لطيفتان ندهونى اقعد فى وسطهم والاولى ابتدت الكلام ... شايفه المايصه بأكلها ادامنا كدا مفيش دم لا حول ولا قوة الا بالله خلاص مفيش مرعاة للناس الى قاعده معاهم انا في استعجاب شديد لاني مشفتش حاجه خارجه الحقيقه ، هوه ايه الى حصل ما الناس زى الفل ...
رد فى سرعة الضوء بلا نيله انتى فكره انها بتحبه ده بس عشان هي كبرت واخواتها كلهم اتجوزوا وهي لازم تشوفلها صيده بقى .... والواد امور ومستواه كويس يبقى ليه لاء هوه انا الى هحكيلك عنها منتى عارفاها ...
هنا طلع صوت القطه التانيه وقالتى بمناسبه المستوى الكويس ايه رايك فى صاحب خطيبها ....
انا فى محاوله فاشله منى انى امنع نفسي من الضحك كويس ورغاي ، طبعا انتى مرتبطه خاليكى جدعه وافتحي معاه موضوع انت خاطب ولا متجوز عشان ادوس انا :))))))
"ايوه يارجاله البنات بتقول الكلام ده بينها وبين بعض :)))) "
طبعا ده تحرش من نوع مميز شويه الاموره الاولنيه اتحرشت بخصوصيات صاحبتا هي وخطيبها كدا عينى عينك واستغلت معرفتها بظروفها الاجتماعيه والعائليه ....
والتانيه قرررت وبردوا عينى عينك انها هتتحرش بالراجل بس المره دي من غير استغلال ولا ضغط المره دي حاجه جديده بالحيله ... ناس فى منتهى الابداع الحقيقه :)))
صاحبتى بقى المخطوبه قمت انا وهي دخلنا الحمام سوا وطبعا ناس كتير بتسئلنى ليه البنات بتقوم تدخل الحمام مع بعض يعنى هيكون من باب التعاون على البر والتقوى اكيد لاء يعنى ان مكانتش نميمه على الناس الى معاهم يبقى اكيد يناولوا بعض قلم روج ولا قلم كحل :))) منكر منكر يعنى :)))
واحنا فى الحمام فجئتنى بسؤال غريب اوي ؟؟؟
هوه انتى ايه رايك في خطيبي ؟؟؟ قلتها هوه مهذب الحقيقه بس معرفش معاكي عامل ازاى ؟؟؟
فجائتنى ؟؟ هوه كويس الحقيقه معايا بس عيبه انه بتاع بنات اوى ومش عارفه ابطلهاله الحكايه دي ؟؟؟
انا ببلها واضحه جدا فى ملامحى وبئى المفتوح نعم ؟؟؟؟
اه يعرف بنات كتير غيري ومش عارفه ....
انتهى كلامنا عشان اتخرنا على الناس واتفقنا اننا لينا قاعده مع بعض ...
ورجعت وانا عقلى مشلول لان حتى صاحبتى دى للاسف الشديد متحرشه بس دي مش اى نوع دي متحرشه بثقتها فى نفسها ومستخدمه كل الوسائل المساعده ليه يعنى مثلا متحايله على نفسها بفكره انها بتحبه فلازم تقبل انها تكون قليله ومستغله انها لازم تكون زوجه او ام عشان الفتره دي ....والسن و كلام الناس و ....الخ الخ :|
الحقيقه انا قررت منامش النهارده غير اما اقول الى جوايا مش هنحترم خصوصيات وكرامات بعض بقى لحد امتى هنفضل نفكر فى الى حولينا وفى عيوبهم وخصوصياتهم وننسى نبص بعين نقيه على عيوبنا ... ومين فينا متحرش ولا تعرض للانواع دي من التحرش ؟؟؟ طب ولحد امتى ؟؟؟؟ حد يريحنى بقى ويقلى لامتى ؟؟؟؟
