وعندك واحد حوار وصلحه !

ايه التحوير ده ..
اه ده بيحور طبعا ....
البت دى حورتجيه ....
بقولك ايه انا مش فايق لى حوراتك .....
البنت دى شكلها حوار.......

كلمه مستخدمه مبين كل 3 جمل على لسانا الايام دى رغم ان طول عمرنا بنتكلم وبنتحاور
وعمرنا مستخدمناها
وانا مجيت سئلت هوه يعنى ايه حوار ؟؟؟؟
قالولى حوار يعنى حوار !!!!

ايه ده انتوا بتحوروا عليا .
اه حوار يعنى مشاكل وعدم وضوح وكدب
ايه ده !! يعنى الحوار كدب ومشاكل ونفاق وخديعه
يانهار مليان ورق جرايد
مش عارفه اشمعنى ورق جرايد بس يمكن عشان هى غامقه وماليانه حوارات من العيار التقيل :)
المفروض انناا بنتواصل مع بعض على اساس اننا بشر يعنى عن طريق الحوار
والحوار لغة العقلاء
وطريقه وصولك لاخر من خلال حسن الحوار
واسلوب ادارته وفى فن ادارته الحوار فعلا
طب ليه اتشوه معناه كدا !!!
طبعا عشان النفاق والتملق وعشان منقولش كلام كبير ظلمنا الحوار معانا واستخدماه كنايه عن المشاكل والكدب و...,...,....,.....

ظلمه اوى البنى ادمين دول اوى
ظلموا اداميتهم بنفاقهم وتملقهم
وظلموا فلسفتهم بتنصيب الحاجه فى غير محلها
وظلموه طريقه تواصلهم واداروا من حقيقتهم



واما تقعد او تقعدى القاعده الجامده مع الصحاب
لازم تسمعوا استنوا انا عندى حوار جامد اوى وتبدأ النميمة الجامده
عشان كدا خدوا اقولكم انا عندى حوار جامد اخر حاجه
انا بفكر افتح كافتيريا وقهوه الاخلاص
واعمل فيها الى جانب المشروبات شويه سندوتشات القائمة المبدأ
يه:
1-حوار هوت دوج
2-حوار برجر
3-حوار سباسى
4حوار اسبيشيال
5-حوار الاجريل
وبالهنا والشفى
مع تمنيات اداره الحوار بصداع مميز وسلبيات مستفزه
ونشكوركم لحسن اقبلكم عل تحورينا.
-يتواجد لدينا توصيل التحوير للمنازل .

الحق بقى انزل شغلى عشان متأخرش وانا مدرتي صعبه وممكن تحور عليااااا :):)
وساعتها هضطر اطلب اوردار مخصوص واقولها حوار عشان تفوتهالى

ويبقى اول استفتاحة:)
عندك واحد حوار وصلحة
............................

معا او ضد !!!!

صراحة يعنى انا الفتره الى فاتت دي بواجة مشكلة غريبه اوى انى مبقتش عارفه البشر ماشين فى اى اتجاه ظواهر غريبه واحداث مربية محيطه بينا الى يمشى في تيارها يضيع والى يعاكسة يضيع اكتر طب هوه احناالمفروض نبقى مع ايه وضد ايه انا قعدت كدا احاول احصرشوية ظواهر خطيره ده مش من وجهة نظرى ده بجد
وقلت لازم اكتب النوت دى وعليا وعلى اعداءي ؟؟؟
*معا او ضد ظهور ديانات غريبه زي البهائية ودعوه عامة للاحاد ؟؟؟
.طب هي الاديان مش 3 وهو ينفع يبقى فى حرية اديان اكتر تهاجم الديانات السمويه ؟؟
.معا او ضد ! ان من حق كل انسان التجريح والاهانه فى اى حد مش عاجبه بدافع دي حرية الرأي؟؟؟
مع او ضد ! من حق المصريين المتجوزين فى اسرائيل الاحتفاظ بجنسيتهم المصرية ؟؟؟
معا او ضد! ظهور نماذج زي يحي سعادة وجاد شويري لتصحيح صورة العرب فى المجتمع الدولى من باب حرية التعبير يعنى ؟؟؟؟
معا او ضد! ان المشجعين الزمالكوية عشان يداروا موقف الزمالك يقفوا يتصيدوا اخطاء للاهلى ؟؟؟
معا او ضد ! ان اوباما بزيارة لطيفه وكلمتين حلوين يتعامل معاملة جمال عبد الناصر ولا الناصر صلاح الدين ؟؟؟
معا او ضد ! ان سمية الخشاب بعد مزهقتنا فى التمثيل تدورلنا على الغنى ؟؟؟
معا او ضد ! ان الى يكشف حقيقة المجتمع ويقول على بلويه الى مداريه يبقى وشه مكشوف و.....تيت عشان فتح بقه ؟؟؟
معا او ضد ان الشواذ اصبح لهم حقوق فى مجتماعتنا العربيه وليهم اماكن تجمع على علم ودرايه كلا من المجتمعات والحكومات ؟؟؟؟
معا او ضد ان البنت تمثل وتعمل هبلة ومش فاهمه حاجه فى الدنيا عشان تعجب العريس ؟؟؟
معا او ضد ! ان الام والاب يمسكوا عريس البنت ويكتبوه وصلوات امانه على كلوي بنتهم بجحه الخوف من تجارة الاعضاء :)؟؟؟
معا او ضد ! ان الواحد يقول لى حبيبته انا بحبك صحيح بس انا مش بتاع جواز ؟؟؟
معا او ضد ان البنت تقعد ترسم وتحرجم على الواحد من دول عشان تصطاد العريس ؟؟؟
معا او ضد !ان المغتصبه شريكة للمجرم بطريقتها او لبسها ؟؟؟
معا او ضد !ان تامر حسنى ييفى نجم الجيل دون النظر لى صحيفة سوابقه طبعا ؟؟ ويعمل مسبقة عن اختيار خلفية ليه فى الجيل ؟؟؟؟
معا او ضد تقليدنا لى برامج الواقع بتاعت بره ؟؟
طب معا او ضد ان كل سنه السينما تستلمنا بتقلعه جديده سنه كوميدى وسنه اكشن وسنه سودا على دماغ اغشتغالتهم لينا ؟؟؟
ولا معا او ضد الى الانحراف الى عملته منى ذكى فى فلمها الاخير "ده مش رأى ده كلام الناس" وانها غيرت
مبدأها ؟؟؟
ولا معا ولا ضد عمليات التجميل ؟؟؟
ومعا ولا ضد ! اعدام هشام طلعت مصطفى عشان قتل شوزى معرفش مين واصبح قضية الساعه والرأى العام والمجتمع الدولى كمان ؟؟؟
"كلام فى سركم حتى اوباما جه مصر مخصوص عشان يشوف الحوار ده "
ههههههههه
معا ولا ضد ان الست هيفاء وهبى بجمالها واخلاقها وفنها المبدع تقرفنا مكان سمية الخشاب بتمثيل ؟؟؟
هما بيبدلوا علينا وانا موافقين ولا ايه ؟؟؟
ومعا وضد حنفية المسلسلات التركى الى فجأءه ضربت فى وشنا دى وغرقت لنا الدنيا بخليل ولميش وشريفه خاتم دى ؟؟؟


معا ولا ضد ولا ضد ولا معا ؟؟؟؟
انا خلاص قربت اتجنن من الى عماله اشوفه واقابله ده هوه ايه الى حصل فى الدنيا بالظبط ؟؟؟
هوه كل ده لى مصلحت مين ياناس ؟؟؟ د يقلى وينوبه فيا ثواب ؟؟؟؟
عموما انا قولت اشوف الناس هتبقى مع ايه وضد ايه وبعديها اقرر انا ابقى معا ولا ضد ايه وليه ؟؟
صحيح نسيت انتوا معا ولا ضد انى اقول الكلام ده ؟؟؟

ياسيدى على الرمانسيه !!!

بصوا بقى انا من الاخر مش كاتبه ولا مبدعه ولا عندى اى موهبه من المواهب دي انا كل الحكايه بس انى عندى فلسفه وفلسفه مش فزلكه زى ماليا صديق دايما بيقولى كدا فلسفتى دي بسيطه اوى ان الانسان لازم بيفكر فى كل حاجه بتحصل حوليه ومعاه وده طبيعي عشان احنا بشر ولو فكرنا فى كل حاجه بأجابيه يبقى يابختنا بالنتايج العظيمه الى تدى نتايج الثانويه العامه على دماغها :) المهم بقى بقالى فتره كل متكلم ولا اتعرف على حد راجل ولا ست يسئلنى اذا كنت رمانسيه ولا لاء ؟؟؟
وانا من غير مفكر فى السؤال ببله اجاوب معرفش معتقدش
!!! والقى نظرات استكار من ناس واحتقار من ناس واعجاب من ناس تانيه !!
السؤال الى ابتدى يشغل بالى هي ايه الرمانسيه اكتر وايه حكايتها مع البشر وليه فى شخصيات رمانسيه وشخصيات لاء وبسمع ده عمل حركه رمانسيه ولو مفيش رمانسيه يبقى مفيش حب و...و... طبعا انا ابتديت الى يسئلنى السؤال ده انتى رمانسيه ولا لاء ؟؟ اجاوبه بسؤال هى ايه الرمانسيه من وجهة نظرك ؟؟؟
وطبــــــــعا فجأتنى الاجابات بل هى اذهلتى الصراحـــه بقى !
*واحده مثلا قالتى يابنتى رمانسيه يعنى حبيبك يجبلك ورده يقولك بحبك يمسك اديكى ويبص فى عنيكى وتبقى حساه كدا وطايره !
* حد تانى بقى خالص "حد يعنى مذكر :) " سئلته نفس ذات السؤال سرح جدا وقالى ايه الاسئله دى يابنتى الرمانسيه شوية كلام حلو وخروجات فى اماكن كويسه وسينما وفشار وعموما القعده فى اى مكان هادى وهوه مش قصده هادى بالمعنى الهادى هوه قصده بالمعنى الهادى ههههههه وطبعا جنابه كان بيبتسم ابتسامه صفره جدا لمونى مش بس صفره وهوه بيقول كدا ;) فاهمنى

طبعا
وكان صريح وقالى يابنتى معظم الرجاله بيحسبوها كدا !!
انتوا الى بتجروا ورا شويه تفهات . ده الانجاز
* واحده صاحبتى تانيه قالتلى الرمانسيه انى احضر لجوزى عشى حلوه على اضواء الشموع وتكون البنت نايمه عند ماما ونعد نفتكر ايام مكنا مخطوبين وكنا بنزوغ عشان نعد مع بعض اكتر
صحيح هوه بيدخل يقلى ايه الهبل ده بس كفايه انى ببقى حسيست نفسى بكدا
!!!!
* حد بقى اما سئلته اتحول للعنجليب :):):) وقعد يتكلم عن الحب والهيام والاحساس والمشاعر وكان فاضل يتكلم عن البلوبيف وانا متأكده انه بشتغلنى زى الشرز التريكو !!!
* حد كمان اما سئلته السؤال ده عنيه لمعت اوى وشفت فيهم اجمل احساس بالحنين واتنهد تنهيده جريحه وقالى معرفش !!!!
* ليا واحده لطيفه جدا كان تعرفها عظيم اوى قالتى انا احس بالرمانسيه اما خطيبى يسمع كلامى ويوافق على كل الى اطلبه ويجبلى لبن العصفور وطبعا لبن العصفور ده متوفر بكتره فى كارفور يعنى لست طباتى ومشورى واحتياجاتى كده احس انه بيحبنى وبيتعامل معايا برمانسيه :) والله الناس دى ربنا هيورها
* من الناس الى قالتلى كلام حلو اوى كانت واحده دماغها طبعا ....... قالتلى انه يدلعنى ويقولى يا كوكى ويهدنى اغانى ومسجات ويجبلى قطه زى هانى سلامه فى السلم والتعبان :)
* ومن الكلام الى موتنى من الضحك فى الموضوع ده كان حد اما قالى الرمانسيه يابنتى اما اقعد اسمع اسامه منير واقول لصاحبتى اسمعيه فى نفس ّذات :)
*ليا صاحبه جميله كدا وصغونه اما سئلتها ضحكت وقالتى اى كلام انا غير حب الام والاب والوطن معرفششششششش
:):)
وطبعا كانت معظم ردود الولاد والرجاله فى اقتضاب وناس كتير قالت معرفش رغم انها بتوصف نفسها انها رمانسيه
وناس ردودها اتحولت لدموع عشان افتكرت يوم متغدر برمانسيتها !!!
انا بقى مقتنعه ان الرمانسيه احساس لا يوصف ولا يعرف ومش بين واحد وحبيبته او العكس بس لاء ده كل حد فينا ليه طعمه وفلسفته الخاصه فيها ومينفعش اننا نصفها فى تصرفات او كلام لان لو عملنا كدا يبقى احنا بنحولها من احساس رقيق وراقى اوى لحاجه ماديه قميتها ضعيفة لان الماديات قيمتها اقل بكتير من المعونيات.

لان الاحساس احد اعظم نّعم الانسانية الى مفيش فى رمانسيتها !

ولاد وبنات سالم !

فى الفتره الى فاتت لفت الدنيا وفاتت جمب قلبى وقالتلى ايه هوه انتى احاسيسك ماتت؟؟
رديت عليها وقلتلها يادنيا سيبيكى منى انا همى اصبح شاغلنى ومحرمنى طعم الهوى وطعم التهني...
ردت عليا مكشره عمر الهم مبحرم حد من حاجه
انتى الى حولتيه لوحش يقدر يغرز انيابه فى شرايينك!
ورجعت من تانى سئلتنى وايه هوه همك ده !!
شردت وقلتلها يعنى انتى مش عارفاه قالتى ولا شيفاه ؟؟
قلتلها طب تعالى اما افرجك ؟؟
انا بنت اتربيت على الفرق بين الولد والبنت
من وانا صغيره اسمعهم يقولوا ده ولد ودى بنت وكبرت وخدت بالى ان الولد غير البنت واما دخلت المدرسه
لقيت جمع المؤنث السالم وجمع المذكر السالم



فقلت كدا يبقى الى يجمعهم انهم هما الاتنين ولاد سالم "يعنى عايشين فى سلام وكلنا انسان " وعدت الايام وفهمت ان سالم مش هوه الى بيحط قوانينه على ولاده لاء دى طنطت عادات وتقاليد كبيرت العيله هى الى مسيطره على تربيه الولاد والبنات
قلنا وماله طنط برده عندها كام الف سنه وحقها
تأمر وتتشرط
لكن فجأء طنط ابتدت تدلع وفى المعالمله تفرق
قال يعنى هى قبل متفرق كانت عادله مبينهم اوى
فقلت والله لشيل كفنى على اديا واروح اوجه دى الوليه وسئلتها انتى بفرقى فى المعامله ليه ؟؟
قالتى هوه انتى مش عارفه ليه اصلى الطبيعى ان الراجل يستاهل شويه صلحيات اكتر بكتيرررررررر من الست
يعنى عندك مثلا الراجل مبيجبش العار و لا بالعيال شاغل دماغه ومحتار ولا السن ممكن يقلله
وفى زمن زى زمنا


ميعيبه غير جيبه ؟؟؟
فتخقت من هلوستها دى وقلتها
هوه الراجل المفروض يبقى عامل ازاى ؟؟
ضربت لخمه والتلئلئت
قالتى بعدها راجل
يعنى شكل خشونه وجدعنه وحنيه وطيبه ومسئوليه وحمشنه وحريه
قلتلها كل ده جميل
بس كلمنى عن الحريه ؟
قالتى اسمعى يا غلباويه انتى شكلك عندك حاجه تقولها ليا ! اتفضلى قللى الى عندك ومالك شايله منى ومن قوانينى ومن الرجاله ومعقده الدنيا على نفسك ومتهمها فيا ...
قلتلها بس بشرط متناقشنيش ومتقاطعنيش اسمعى منى وكأنك مسمعتنيش ...
ضحكت وقالتى اطمنى ده طبعى امال ازاى انا وصلت لو ضعى ده مهوه عشان بشوف وبسمع وكأنى ولا شايفه وسامعه !!
قولى يالا الى عندك ؟؟؟
*قلتلها طبعا انا مش هتكلم على قوانينك لان انا شايفا فيها صح وفيها غلط انا بس هختص جزء التفرقه مبين الراجل والست ؟؟؟
انتى شايف الراجل الى يقول كلمه ويوعد وعد وميبقاش اده..
الراجل الى اما يغلط يقاوح ويرفض الاعتراف بالغلط
الراجل الى يجبر الست الى المفروض انها اضعف منه على حاجات كتير خارجه عن ارادتها
والراجل الى يرمى مسئولياته على الست وهى تكون مش قادره تعملها ويقلها اشمعنى يختى منتى طلبتى المسواه
الراجل الى يلف ويدور ويكدب ويأفق على البنات ويرجع يقول هما الى قبلوا كدا على نفسهم
الراجل الى واحده تعلم عليه فى حدوته حب فيعيش بيعذب فى اى واحده تحاول تقرب منه عشان جنابه متعلم عليه
الراجل الى حل مشاكله بقوته مش بحكمته يازعيق يا شخط وعند ناس كتير بتوصل للضرب
الراجل الى اما يتزنق فى موقف يبتدى يقول فى اعذار اى كلام ويرمى غلطه على الى قدامه
الراجل الى من حقه كل اخطاء الدنيا من صغيرها وكبيرها وفى الاخر يدور على الشريفه العفيفه الى تشيل اسمه
وتعيش جاريه ليه
؟؟؟ لاء ونعم الرجوله
الراجل الى يقف يقول انا ميعبنيش وميقلنيش وميصغرنيش
كل انواع الاخطاء الى تصغر وتقلل اى حد محترم بس تتغفرله عشان هوه راجل ..
الراجل الى يجى بمنتهى الانانيه يطالب واحده ادامه بكل انواع التضحيات
مقابل انه هيتعطف عليها وهيتجوزها وانت رفضت او فكرت تبقى متمرده ومش هى الى تستاهل !!

الراجل الى شروطه فى شريكة حياته شاطره فى شغل البيت والطبيخ والغسيل وفوق ده حلوه وجميله وانيقه
بس غبيه ومبتفكرش ومعندهاش شخصيه عشان تبقى تلميذته "وهوه نيته جارته"
الراجل الى يحرم الست كل حقوقها بحكم انه من حقه هوه بس الى من حقه يحب و يختار....
*فجأة لقيت من كتر الى الانفعال صوتى راح واترعشت وحسيت انى هيجرالى حاجه وتخيلت ان طنط عادات وتقاليد هتمدلى ادها لقيتها واقفه زى تمثال الشمع وعليها تراب وعناكب كأنها تمثال من الجاهليه مالهاش اى قيمه وكأن كل قيمتها وتفرقتها ومميزتها وقوانينها محسومه ...
والكهف بتاعها مظلم وموحش .... صرخت يمكن حد ينجدنى مالقتش غير شويه دمع مساندنى ونفسى بتقلى انتى صح بس ده مش زمنك ولا زمن الى زيك ده
خدى همك وارجعى قبل ميدوس عليكى الزمن ....





قلتها شوفتى يادنيا انا ليه شايله همى وبيه متحاميه
لقيت الدنيا واقفه متغميه كأنها شايفه شبح او حتى جثه مرميه وطلعت تجرى خايفه ومتداريه وقالتلى وهى
بتجرى انا عمرى مهسئلك تانى انتى ليه بهمك مشغوله ولا
ليه سالم مبقاش سالم ؟؟؟؟؟؟؟

احنا ولاد الايه الجدعان .

دى حركه جدعانة اوى ا
واد جدع
لا بجد انا بحب البنت الجدعة
اتجدعن انت بس فى مذاكرتك وانا اجيبلك عربيه مرسيدس
واسعه دى مش كدا :)
والجرى زمان كان نص الجدعنه ودلوقتى الجدعنه كلها
وجدعان طيبين وبقلب ابيض كبير
وانـــــــــــــــــــــــــــــا جدع
.............................................

يامعلم يا معلم
ياعينى
عليكم انا شايفه ان جدعنه منكم هتقروا النوت بتاعتى مش صحابى يبقى اكيد اخر جدعنه ;)
بصوا بقى
اولا كل واحد يجى يقول على نفسة انا كنت جدع معاك فى كذا وكذا
والتانيه من دول تقول انا
والله انا مستجدعه معاها عشان خاطر كذا وكذا

طب سئلنا نفسنا يعنى ايه جدعنة
وازاى الواحد يبقى جدع
وجات منين فكرة الجدعنه دى
وصحيح هما المصريين ملوك الجدعنه
اومال
انا كالعادة اتفزلكت واتجدعنت كدا


وقلت اما اشوف الناس فاهمه ايه عن الجدعنه
طبعا المصرين اللذوذين الحبوبين افتولى فتى ليه العجب
الى قالى الجدعنة ان اما اعوز صاحبى فى حاجه الاقيه جدع
معايا
ودايس معايا
فى الحوار
ايان كان الحوار ده صح ولا غلط
!!!!!!!!!!!!!!!!!!!!!!!!!!
واحده لذوذه تانيه قالتلى الجدعنه انى اقول لصاحبتى سر وتكتمه
ومتقولوش لى حد
وحد لطيف قالى جدع زيك كدا يا سمسمة يكون جرئ ومهموش اى حاجه فى الدنيا
"يجبر بخاطره ربنا الى مش فاهمه اساسا اى حاجه فى الدنيا "
وجدع حليوه قالى اما الاقى بنت فى مأزق اقف لها
وبنوته جميله قالتلى جدع يعنى اعرفك من غير ميكون ليا مصلحة معاكى
!!!!!
طب هوه لو ليكى مصلحة متبقيش جدعه ماعلينا يعنى

وكلام وكلام وكلام
ومحدش فاهم حاجه بس اهوه وصفها من خلال مشاعره وتفاعلاته وجدعنه منى مش هرغي كتير واقولكم وجهة نظرى الشخصية جدا فى الجدعنه
الجدعنه دى احد اجمل الصفات الانسانية
واحد اجمل الاداب الاسلامية والاجتماعيه
رسولنا الكريم علية افضل الصلاة والسلام
"انصر اخاك ظالما او مظلوما "
ووصى بالشهامه وحسن الخلق
والنخوة والشهامة
اساس المجتمع السوى وده الى كان بيخلنا المصريين
ملوك الجدعنه
وبنظرة اجتماعيه عامة
الموضوع اصبح فية خلل
يعنى بقينا نغمض عنينا عن حاجات كتير ونقول خليك فى حالك يعنى نلاقى واحد ماسك واحده مطلع عينها رخامه وترصد ونعمل كاننا مش شايفين ولا واحد ماسك واحد من اطفال الشوارع
ونازل فى ضرب ونعمل مطنشين
على الرغم ان
الجدع ميكدبش مينافقش ميدعيش مايلوعش وفى وقت الجد موجود مش مجبر ولا محرج لا مختار انه يكون موجود
ان الواحد ميضرب صاحبه او اخوه فى ضهره ان الواحده متلفش على حبيب صاحبتها ان الواحد ميكرنش مكان جاره بحجة انه جه الاول انه ميقولش على الستات الجرافكس والسيلكون هما دول الستات وهما عارفين انهم مش الى يشلوا اسامهم ولا هما دول ولا نيلا
ان الواحده تكون امينه وواضحة مع نفسها عشان اما
تتحط فى موقف محرج تعرف تواجه وشرحة الراجل طبعا
ان الواحد يقابل الاساءه بالاحسان واما تخلص طرق احسان يبقى يلجاء لطرق تانيه
بس يبقى استخدمنا الاحسان ان الواحد منقضش مش الاجل النقد والسلام واما ينقض ميجرحش
ميجبش فى سيره حد ولا يشوة صوره حد
و.........و......و.......و......

من الاخر بقى
الجدعنة هى
نصر اخونا ظالما او مظلوما
يعنى تكون جدع مع الظالم وتقوله ارجع فى ظلمك
قبل متقول للمظلوم هرد عنك الظلم
داحنا المصريين ملوك الجدعنه
ومش صح ان الجدعنه بترقص
ورقصنى ياجدع
ده اسفاف فى حق عادة اجتماعيه واخلاقيه جميله
انا شخصيا اعرف ناس جدعان اوى فى حياتى زى مفى اندال كتير بس لسه فينا جدعان والله
اجدعهم الى بيردنى اما اجى اخطئ ولو حتى فى حق نفسى
.........
وصباح الفل على عيون كل الناس الجدعه
عشان هى دى مصر ودول ولادها الجدعان اوى

غـــــــــــــرض دنـــــــــــــــــئ.

الى هتكلم فيه محتاج اصحاب العقول المستنيره فقط
والى عقولهم مش مستنيره يمتنعون او يشتروا لمبه نيون ينوروا بيها
عقولهم :)

غرض دنئ

اه غرض دنئ
والنعمة ده بجد

في فصيلة من البشر مش هصنفهم بقى رجاله ولا اشباه ولا ذئاب ولا اى كلام من الهجص ده

كل غرضهم من الست
او البنت او الانثى
غرض دنئ
هقولكم مشاهد معظم البنات بتتعرضله
المشهد الاول :
شكل محترم فى عربيه حديثه فى عقد متوسط من العمر
فى اشارة مرور يبص يمينه وشماله يلاقى بنتين فى عربيه برده حديثه ومتظهرش عليهم اى علامة على الاقل من وجهة نظر الاغلبية الطبيعة اى علامة من علامات الانحلال
فبجرأة مستفزه مساء الخير لو سمحتى
الى بتسوق بتتوقع انه بسئل عن شارع او طريق مساء النور من غير اى ابتسامه
صاحب الشكل المحترم :
وراكم ايه دلوقتى ؟؟؟
البنتين مبهوتاتان
نعم انى ايه الى بتقوله ده هوه مقاطع
بصوا انا فاضى ايه رايكم اعزمكم على العشى واللى تأمروا بيه !!!!!
البنتين متعصبتين :احترم نفسك وواحده منهم كاتك القرف بص ادامك :@
"أكيد فهمتوا الغرض"
..............................
المشهد التانى :
موظفه جديده فى شركة
لطيفه جميله مهتمه بنفسها
الكل بيبصلها من تحت لتحت والهمس شغال عليها
نفس اشكال المحترمين
تفتكر مخطوبه
ولا مصاحبه ؟؟؟


بعد يومين اتعرف انها مطلقة
!!!!!!!!!!!!!!!!!!
انا هوقعها لاء انا الى هشئطها
واول مدرجت ود تتطور بنها وبين واحد من الزمالاء المبجلين ولا المدير العظيم

ودرجات ود "كلام من خلال العمل "
مثلا
او اكثر
تسمع الكلمات اللطيفه :طب ايه مفيش حاجه علينا
النطع الى انتى كنتى متجوزاه داه ازاى يضيع مزه بحلاوتك
وتختم انه يحب يخرج معاها بس عشان خاطر سمعتها وعيون الناس الى مبرحمش يعرض عليها يخدها الشقة
عشان اى مكان عام هيجرحا
"نفس الغرض الدنئ"
................................

المشهد الثالث :
بنت مرحة ابتسامة لطيفه قوة شخصيه واستقلاليه
صدقات وعلاقات
والكل بيعملها الف حساب
وفجأء تقع بشكل او بأخر لحتياجها لمصلحة من احد هؤلاء الاشكال
الانياب تبان
وتبدأ انتى كام سنه ؟؟؟
هوه انتى مش لحم ودم
طب ايه ملكيش طموحات فى العلاقات الخاصة
انتي
لو مراتى كنت عملت وسويت !!!!!!!!
"نفس الغرض الدنئ والنعمة"

..................................
مش هزيد عليكم المشاهد اكيد بنات وولاد ورجاله وستات عرفين العروض دى عامله ازاى
وللعلم الصادم بقى مفيش بنت فى الزمن ده مبتتعرض للنوع ده من التحــــــــــــــــــــرش
اه ده تحرش والله .
الى بستغربه بقى الاستاذ المحترم اسفه شبة المحترم ده
مبيفكرش فى مراته ولا اخته ولا جنابه بيكون استايل الساحل مستر اجيبت ميشو
مدام الطلب الى بيتقدم لى مراته ولا اخته ولا بنته
Not In public
& Without Feeling
يبقى
SO WHAT ?

.....................
اسوء انواع الاستغلال انك تساوم حد لظروفه او جنسة او ضعفه او سمعته او ...او ....
عشان توصل لغرض دنئ
اخلاقنا راحت فين !!!!
راحت فين النخوه
انا حتى مش هقول متعملش كدا بس متتحرش بمشاعر ست او بنت لضعفها او لحتياجها لى حاجه او لظروفها
والله ده بيقلل من رجولتك واحترامك لى نفسك
ياسيدى اما تلاقى واحده عندها الميول دى يلا بالهنا والشفا انت وهي
بس مترميش شبك على ست او بنت بس
عششششان انت ليك غرض دنئ
.........................................

اشرب بقى يا حلو.

مفردات :
اكيد احنا صحاب جامدين اوى
دى صاحبت عمري
ده صاحبى من زمااان
كلنا صحاب
..................
كلمات بنسمعها كتير اوى عادة بتكون واحده منهم مفاتيح لى علاقات بنلتمسها بشكل او بأخر
وانا صغيوره اوى كان كل صحابى فى عالم الولاد لانى كنت بحب العابهم ولانهم مش زى البنات مهتمين باتوك والضفاير والالوان وسالى وليدى
..............
كنت بنت مش طبيعيه كل طموحى ماتش كوره مميز او استغمايه واحيانا كنا بنلعب كهربا
ومش هقولكم بقى عن لعبة حرب العصابات
الى كنت بطلع بدور الاميره المخطوفه الى بتحرر نفسها وتبقى زعيمة العصابه
والله ولا مملكة الخواتم
المهم كبرت شويه منعونى من اللعب مع الولاد انتى كبرتى بقيتى انسه وانا كمان ابتديت اتشغل بالتوك والالوان والفساتين والحركات
وكانلى شوية صحبات فى المدرسه بس كنت دايما مش منسجمه معاهم لانى مكنش ببقى زيهم

هما مركزين مع بعض اوى وغيره ومناورات وانا دايما مدب وبدلق اما تحصل مشاكل ومقالب
دايما مختلفه رغم ان صحباتى كلهم من ايام اعدادى الى يومنا هذا يحبونى ويحبوا عشرتى ونصيحتى
اصلى من النوع المألوف العشري
لو سمحتوا انتبهوا مألوف مش حاجه تانيه
كبرت اتخرجت وجت مرحله


فلتره صحاب الواحد والفرق مبين صحاب بحكم المكان والعشره والالزميات الاجتماعيه والصدقات الحقيقية
ووقتها ابتديت اختار البعد عن ناس كتير من غير اى حسبانية
يعنى الى مش مناسب مينفعش

والى ينفع بحدود
بس كان دايما عندى استفسار .....

يبقى صديق او صديقه مناسب ازاى ؟؟؟
ده السؤال الى الاجابه عليه كانت صعبة .......

بعد حورات ومشاكل وحرقت دم وصداع ومهاترات
اكتشفت حاجه مهمه اوى ان الصاحب او الصاحبه الحقيقيه الى يكون الانسان مطمن معاه يعنى واثق انه لو اخطاء فى حقه عمره مهيخونه ولا يجرحه ولا يهينوه واكيد ولا يأذية
الصاحب الى يحترم خصوصية صاحبه ويصونه ويقف جمبه فى قوته قبل ضعفه
الى ينصره ظالم اومظلوما ا
الصديق الى يرفع بشأن صديقه
ده على كل الناس بنات وولاد رجاله وستات
بس عالم الصدقات فى حياة الستات كالعاده مليان تفاصيل ومدخلات
غيــــــــــــــــــــــــره
كل البنات بتغير
بس غيره عن غيره بتختلف
غيره بنائه ودى غبطه ودى لطيفه اوى
وغيره مدمره كوارثها كلها نفسيه على الطرفين
الى تغير منها والى الغيرانه نفسها
بحر لو اتكلمنا عليه مش هعرف اروح شغلى
المهم بقى
ختاما انا شكلى هعود اتعلم فى عالم الصدقات ده طول منا عايشه


يعنى انا اما بصاحب حد ولد ولا بنت بلزم نفسى بقاعده محرمات بتكون احترامات لى مشاعره او مشاعرها وسعى منى للحفاظ على صدقتى بالناس دى ةعشان بحط نفسى لو مستخدمش لستة المحرمات والمحظورات دى وانا مكانهم ممكن ادايق ازاى ,وبما انى اتعودت على المفجأت من عالم البشر
وعلى عالم الحركات

.........................
فالصحاب بقوا بتوع وقتهم ومصالحهم والبشر موجهين يامصالح بتجمعهم بغيرهم يا تسالى واوقات الفراغ
والصدقات بقيت ندره نسبيه بنقراها فى شويه ربعيات
او بنلاقيها اما تحصل فى مجتماعتنا مجموعه طفرات
.............................................................
الغريب بقى انى لسه بتجرح اما الصحاب ميقدروناش ولا نستهلك انسانياتنا للوصول لشويه ماديات

بس عادى اكيد الجرح بيعلم ولو ان جرح الصحاب اقسى من اى جرح لانه يبقى مهين لذكائك الشخصي بينك وبين نفسك مش ده الى راهنت نفسك انه صاحبك ولا صحبتك
اشرب بقى يا حلو يمكن بكره تتعلم !!!
وكل متأمن تأكد راح تتألم
...................................
ونصيحيه بقى الى ليه صاحب
جد وبيحبه بجد وبيحترمه بجد وعايز يحافظ عليه ومستندل معاه ولا جارحه وهوه قاصد او مش قاصد بس سمع اه
صاحبه ارجوكم يراجع نفسه
عشان هيجى يوم مش هتلاقى صاحب زيه .
..............

ياعالم ياسيس كفياكم تهيس.

صباح مبارك جميل على قلوب كل المصرييين وغير المصريين القاطنين فى المحروسه
مش عارفه ليه حاسه انى مكانى الحقيقى نجوم اف ام :) ياولد
ونبتدى يومنا بأخبار السريعه :
اولا السياسة
محبش اتكلم فيها بس اهوه فى شويه هرتله بخصوص الانتخابات الرئاسيه ومبارك الاب ومبارك الابن والمصريين مببمبكين :) "جامده اوى مببكين دى"
ولا هما فهمين هما عايزين ايه ولا رايحين على فين
ومراعاة للمعترضين انا بتكلم على الطبقه بتاعة غير المثقفين ودول ولامؤاخذه ملين الدنيا
......
اخبار الاقتصاد :
انا هقول فيها حاجه واحده احنا النهارده 29 الشهر اى حاجه هقولها لى اى حد من اى فئه هبقى بستعبط ايوان بستعبط
فربنا يفرجها ويعديها على كل البنى ادمين قولوا امييييييييييين
اخبار اجتماعية :
ارتفاع درجات النميمه بين السيدات المتفرغات والمشغولات والمتزوجات والمطلقات
والانسات والوليااااااات
فى كل حاجه فى الدنيا الى يفهموا فيها والى ميفهموش فيها
اما بالنسبه للرجاله فبيدفعوا كتييير اوى على نميمة ستاتهم
ياتليفونات وفواتير يا اما خروجات وكافيها ولو لا ده ولا ده يبقى عزايم وسهارات فبتالى ارتفع نسبة الخلفات الزوجيه
ولا تعليق بعد كدا طبعا
......وطبعا نسبة الطلاق.............
اخبار ثقافيه وصحية وتعليميه :
بعد اعلان حالة التأهب القصوى فى المدارس والجامعات لمواجهة الاوبئة ،استقرار فى حاله المدارس والجامعات ومعظم الطلبه مدعيه المرض الصبح
وسارحين بعد الضهر فى الكفيهات والنوادى
واشار معظم الطلبه ان سنه 2009\2010
شكلها كدا اجمل سنه دراسية وطبعا فى مقولات جدلية ان
السنه دى امتحان الفيزياء بتاع ثانويه عامه هيجى سهل وكلية طب وهندسه هتاخد من ادبى وعلمى من مجميع 70%لى 73%وده خبر مشجع الطلبه اوى
.........................
اخبار المرور :
كالعاده محور 26يوبيو واقف لى حد 31 ديسمبر
وكوبري 6 اكتوبر واقف لى 10 من ذى الحجة
وعلى الساده المتجهين الى اعمالهم من خلال الطرق الدائريه
مراعاه ان اللفه ب 75 قرش والحسابه بتحسب .
والى راكب عربيته الخاصة ولا عربية الشغل ولا اتوبس نقل عام ولا اتوبس الشغل
وطبعا حبايبنا رواد المترو والميكروباصات
انهم يدعوا دعاء قضاء الحاجه لحد ميوصلوا اشغالهم بالسلامة انشاء الله
...........................
واختم اخبار الصباح
باستقالة وزير النقل والمواصلات !!!!!
رغم تاريخة المضئ بالانجازات :S
......................
يلا يقى عشوا صباحكم
وصباحكم سكر زياده
وصباح الفل والتهيس
واى حد يقابل النهارده حد سيس يقوله كفياك تهيس
...................................

هات ودنك هنتحرش بشوية خصوصيات.

ياترى هى مبسوطه كدا ليه وبتددن وهى ماشيه
اه تلاقيها .....وشوشوشوشوشوشوش
طب اقولك تيجى نسأل ....... صاحبتها هى هتقلنا كل حاجه.
؟؟؟؟؟؟؟؟
...............

* انتى يابنتى انتى ايه نظامك بالظبط الكلام الى انتى كتباه على الفيس بوك ده لمين جاوبى اعترفى الانكار مش هينفعك
ولو كان حد ظهر فى حياتك مقلتليش ليه وهوه مين وظروفه ايه و....و.....و.....و.....
!!!!!!!!!!!!!!!!!!!!!!!!!!!!!!!


وقيسوا على كدا
كمية تدخل وتطفل فى حياة الاخرين بطريقه غير موافقه لاى درجه من درجات المنطق
..........................................
انا بقى زهقت وقرفت من الحركات دى لان الناس من جهلها اصبحت ترفض ان حد يكون عنده خصوصيه

يعنى لازم حيات الاخرين تبقى مشاع وشويه شويه تنزل على النت عشان نرضى الطائفه المتطفلة

المتحرشة بخصوصيات الاخرين ,هما النوع ده من الناس ليه مبيفكرش ان الطرف التانى ده لو كان عايز
يشركك فى فرحة او حزنه او مشاعره او تفكيره كان بلغك او اعلانك حالته طيب انت ولا انتى اما بتعملى
بيكون ايه الهدف ؟
"عارفين الى يقلى قصده يطمن هزعله اوى فى ردى "
لاء الى بيحب وبيخاف على مصلحة حد مبضغطش عليه وعلى خوصياته والموضوع مش صغير ولا بسيط زى منا مبتكلم فيه كدا الموضوع بيوصل احيانا لتدمير نفسيات الاخرين
وكل ما المجتمع كبر والموقف اتغير تدرجة درجة خطورة الموقف والمصريين بتميز وتفرد بتبدع فى طريقه التطفل
يعنى مثلا امهات كتير بتسمع مش الى يدمر نفسيتهم لاء الى يدمره شخصيا خوف وقلق على ولاده من قريبه او عمة او جاره : هوه ابنك ده مش هيتلم وحاله يتعدل بدل السهر والسرمحه دى :( وهى مشاء الله ابنها اول الجمهوريه فى لعب البلي .
ولا ياسلام لو الكلام على بنت وتكون لسه متخطبتش مثلا هوه ايه مفيش حاجه جاية فى السكه مش هنفرح قريب بالاموره
طيب مترقيها ولا مش عارف ايه .....
طب يا بنت المؤذيه مهوه لو ربنا رايدلها حاجه هتحصلها وانتى اكيد هتعرفى
ايه لزومه التحرش بمشاعر ام كل حلمها تتطمن على ابنها ولا بنتها
متخليكى فى حالك ؟؟؟
ولا صاحب لطيف يمسك صاحبه عامل ايه مع خطيبتك ولا شركتك ايه كان مسمها الاجتماعى والرجاله اذاهم فى الموضيع دى اخطر
لان مش طبع الرجاله النميمة والتحرش بس فى زمنا ده بقى فى دمج غريب فى مبين الصفات الانثويه والذكوريه
وبعد ميستجوبه يبتدى يبخ سمه ايه ده هى بتتنطط كدا ليه انتى يابنى مش مالى مركزك معاها الستات متجيش غير بالاخد فوق دماغها و.....و......و..... شوية لكولوك من العيار التقيل
وتخرب الحدودته واحيانا توصل لخراب البيوت
وارجوكم متقوليليش العيب على الى بيسمع
مدخل الانسان ومدخل عقله ودانه ومهما كبر دماغه من الى بيسمعه لازم حاجه بتترسب غصب عنه فى عقلة الباطن على الاقل !
فى بيوت بتتخرب ونفسيات تتأذى ومشاكل فى الاشغال و....,...,..... كل ده ليه عشان التحرش بالمشاعر والخصوصيات




* يـــــــــــــــاناس
يا حشرين يالى دماغكم وكلاكم وفاضين وبخصوصيات الناس متحرشين خليكم فى حياتكم ملهييين وفى سلبياتكم مركزين احسن ما يجى يوم وتفهموا فيه قيمة ان الانسان يخليه فى حاله اماا تتكوا بنار النوع ده من المتحرشين قولوا معايا يارب اميــــــــن*

خدلك واحدة كمامة عشان انفلوانزا التخاريف

قعدت افكر انا ممكن اكتب عن ايه فى ساعة زى دى وانا حرارتى مرتفعه وجميع انواع الانفلونزا عندى شويه خنزيري على يجى حبتين معيزى على لطشه قرودي ....
فقلت فى المواقف دى مفيش احسن من التخاريف وبما انى سخنه فبتأكيد انا غير ملامه عن اى كلمة ممكن تخرج منى الساعة دى وده هوه المطلوب :)


خرافه رقم 1
.........الراجل والتفاحة ........
مفيش حاجه اسمها واحده لفت على فلان ووقعته فى حبها ولا فى شبكها رغم انه راجل متجوز ولا خاطب
اه بجد .... الراجل الى بمحض ارداته بيجرى ويحوم ورا التفاحة المحرمه وطبعا يعتبر الى من حقه جميزه ويبتدى يقنع نفسه ان التفاحه دى فى اكتر من 26 فيتامين وواقى من التهاب المشاعر ومضاد حيوي للفتور العاطفى
وطبعا اكيد مصل واقى من الجراح والشجن
:S :s :S :s
وان جت شريكته فى الحياه يبتدى يعترض عليها ويقولها روحى وانتى جميزه
وكدا غروره مرتاح ومقتنع ان بحثه ورأ التفاحة كان محاوله لتتطوير الذات العاطفى جواه
ومبدأ امرأة واحده لا تكفى وارجوك اعطنى هذا الدواء
والكيف والحب قبل الخبز احيانا وكل الافلام العربي :)


خرافة رقم 2
......كنتى فين يا لاء اما قلت اه.......
نسينى وهوه نور عينى نسينى وسبنى ياعينى حبيبى اما تاه واحتار رجعلى وقالى سامحنى
تسئ تسئ تسئ
دى مش انا دى شرين
اصل ليها حق يبقى الواحد ولا الواحده من دول بيحب حد ولا حد بيحبه وفجأة يحصل اى حاجه تعكر صفوا العلاقه دى انشا الله حتى الصين تمتنع عن تصنيع فوانيس رمضان
وخلاص بخ بقى
يمشى ولا تمشى وتعد تحلف وتتوعد ولا يتوعد انه عمره ميرجع تانى وطرف يبقى متمسك ويتحايل طب نتفاهم طب نتعاتب طب نتصالح والى قافش بسب الفوانيس يحلف 100 امين ميعرفش ميرفت يامين :)
وخلاص
:S :S :S
لاء مش خلاص بعد حبه مش شرط كتير ولا قليل تلاقى اخينا ولا اختنا راجع يحلف بحيات الغلبان الى اتحايل عليه ميمشيش
الله
وبعدين
طب ويمين وامين وفؤاد المهندس
حاجه غريبه والله
وعادة انا بقول كلمة واحده فى المواقف دى
كل اما اقوله اه يقولى هوه لاء يجرحنى واقوله اه يقلى برده لاء
لاءلاءلاءلاء :D
......................

خرافه رقم 3
........انتبه مصر ترجع الى الوراء.......
مرحبا بيكم اعزائى المشاهدين فى حلقه جديده من برنامجكم المفضل
الرغي والفضايح شو بطولة نجوم المجتمع المتسيحله والساده المتسيحلهم شخصيا
:D :D :D
فى اروبا والدول المتقدمه كما يقدمون فى برامجهم الحواريه الفضايح والمصايب والكوارث يقدمون ايضا الانجازات والنجاحات والانفرادات
وبما اننا شعب ومجتمع قليل الانفرادات والانجازات
فاحنا معندناش غير اننا ندعى ونلطم من عمايل الحكومه وندعى للشعب والمواطنين بالصبر والسلوان فى برامجنا بتاعت الفضايح شو ونسيح للمسئولين الى لو حتى غنينالهم ظلموه مش هيعبروا بس ادينا بنعمل بمبدأ العيار الى ميصبش يدوش
ومش لازم كل شويه اقول انتبهوا مصر ترجع للوراء
:s :S :s

خرافة رقم 4
...... رمضان مبروك ابو العلمين حموده.....
تسئ تسئ تسئ مش محمد هنيدى
المنظر فى كل مدرسه دلوقتى ادخل اى مدرسه اظن حتى فى ابتدائى
بنات بس ولاد بس
ولا كوكتيل مش هنختلف
موبيلات
بلوتوث
مسجات
ايميلات
والجامد اوى متصاحبين ومفركشين
:D :D :D
ومع ثورة الاوبئه الوضع ازدهر اوى اوى
اصل الاجازات كتييييييييير والمناهج اختصرت
واليوم الدراسى تمن يوم
يبقى ليه لاء
لازم اطفالنا تتطور وتتنور علشان على ميبقوا شباب تتوكس بقلب جامد ومن واقع تاريج وبيئه سليمة للوكسة عشان كدا تحضرنى مقولة الاستاذ رمضان ابو العلمين حموده
اعربي يا ألفت
"اتوكس التعليم فى بلدنا"
طبعا اتوكس فيرب ماضى منصوب عليه.
...........................................


خرافة رقم 5
..........ايوا كدا يا وديع.......
تهامى باشا
وديـــــــع
ومدام رشـــا

انا مش هخرف اوى مع ال 3 دول لان التخاريف معاهم هتقلب ب ......تييييييييت
بس الله علينا واحنا الأحاءات الهابطة المسفة بقى احد اجمل افيهاتنا
غطني يا اما وصوتييييييييييي
.......................


لاء انا ايه الى خلانى اعيا واسخن دانا حتى وانا فايقه احسن كتير
خلاص خلاص حرمت اخرف
بلا تخاريف بلا بتاع .

ياريتنى كنت لبست كمامه عشان اوفر على نفسى انفلوانزا التخاريف
:S:S:S:S:S:S:S:S:S:S:S::S:S:S:S:S:S:S:S:S:S:S:S:S:S:S::SS